Ajuriaenea

Ajuriaenea Gasteizko (Araba) jauregi bat da, Euskal Autonomia Erkidegoko lehendakariaren bizileku ofiziala dena.

Ajuriaenea (ofizialki: Ajuria Enea)
Ajuriaenea jauregia Irudi gehiago
Kokapena
Herrialdea	Euskal Herria
Probintzia	Araba
Herria	Gasteiz
Koordenatuak	42°50′27″N 2°40′44″W
Historia eta erabilera
Irekiera	1920
Jabea	Eusko Jaurlaritza
Erabilera	egoitza ofiziala
Erabiltzailea	Carlos Garaikoetxea
Arkitektura
Arkitektoa	Alfredo Baeschlin
Estiloa	Euskal estiloko arkitektura

Kokalekua

Frai Frantzisko Vitoria pasealekuan dago, Mendizorrotza auzoan.

Ordutegia

Ajuria Enea jauregia Lehendakariaren egoitza ofiziala da eta, beraz, sarbidea mugatuta dago.

Izena

Izena Ajuria familiak eraikiarazi zuelako du.

• 
  Elurpean.
• 
  Xehetasuna.
• 
  Ikuspegi orokorra.
• 
  Lehendakariaren egoitzako sarrera nagusia.

Historia

1920an, Serafin Ajuria industrialariaren eskariz, Alfredo Baeschlin suitzar arkitektoak eta Hilarión San Vicente kontratistak eraiki zuten. Ajuria familiaren bizilekua izan ostean, 1966an Serora Eskolapioen erlijio-ordenak ikastetxe bihurtu zuen. Sei urte geroago, Arabako Foru Aldundiak bere egin zuen Euskal Artearen Museoa bertan jartzeko.

1980ko urriaren 13an Eusko Jaurlaritzak erosi egin zion jauregia aurreko jabeari, Arabako Foru Aldundiari, hain zuzen ere. Urte horretan, Karlos Garaikoetxea, Espainiako Trantsizioaz geroztik lehenengo lehendakaria, bertan ofizialki bizitzen hasi zen.

Aldiz, lehendakariak eta sailburuek lan egiten duten eraikina Lehendakaritza da.

Eraikina

Kanpoko itxurak euskal estiloko elementu arkitektoniko guztiak ditu: Marku-multzo bikoitza, beheko solairuan; balkoidun hutsuneak eta osagai heraldikoak dituzten hiru leihate nagusi bateratu, lehen solairuan; erdi-puntuko arkudun leihoak eta goian ostiko-arkuak dituzten eskantzu zilindrikoak, goiko solairuan; eta goian zerura begira dauden pinakulu ederrak dituen hegal zabala, teilatuan.

Ikus, gainera

• Lehendakaritza
• Eusko Jaurlaritzaren egoitza
• Eusko Legebiltzarraren eraikina
• Eusko Jaurlaritza

Kanpo estekak

Euskarazko Wikipedian bada atari bat, gai hau duena: Gasteiz

• Ajuriaenearen web orri ofiziala
• Ajuria Enea. Euskadiko Turismo Bulegoaren webgunea (Gaztelaniaz)

• Datuak: Q2828884
• Multimedia: Ajuria Enea / Q2828884