Ahuakateondo

Ahuakateondoa (Persea americana) jatorriz Mexiko erdialdeko zuhaitza da, Lauraceae familiakoa kanela, kanforrondoa eta ereinotzaren antzera. Haren fruitua ahuakatea da (botanikoki hazi bakarreko baia), sukaldaritzan oso estimatua eta udare-itxurakoa, arrautza-itxurakoa edo esferikoa izan daitekeena.

Ahuakateondo
Irudi gehiago
Iraute egoera
Arrisku txikia  (IUCN 3.1)
Sailkapen zientifikoa
Erreinua	Plantae
Ordena	Laurales
Familia	Lauraceae
Generoa	Persea
Espeziea	Persea americana Mill.
Datu orokorrak
Gizakiak ateratzen dizkion produktuak	ahuakate, avocado seed (en) eta avocado oil (en)

Ezaugarriak

Hosto iraunkorreko fruta-arbola da, eta 15 m garai izan daiteke. Adaburu zabala, eta adar ugariak ditu ahuakateondoak.

Zurtoina – Azala

Zurtoina zimurtsua da, eta azala leuna eta gris argia.

Hostoak

Ahuakateondoaren hostoak bakunak, txandakatuak, larrukarak, distiratsuak, obalak eta handiak dira.

Loreak

Loreak —horixkak— txikiak dira, eta mordoxkatan sortzen dira.

Fruituak

Ahuakate erdibitu bat, mamia eta hazia agerian.

Fruitua —ahuakatea— drupa motakoa da, mamitsua, eta hazi bakarrekoa.

Habitata

Ahuakateondoa, jatorriz, Mexikokoa da. Ondo hazteko, lurzoru sakon eta iragazkorra behar du.

Erabilera

Ahuakate olioak ahalmen antioxidatzaileak ditu. Gantz-azido monoasegabeak ditu ahuakateak -organismorako osasuntsuak-, eta A, E, B1, B2 eta B3 bitaminak.

Oso kalorikoa eta olio ugarikoa denez, ahuakatea ez da sarritan jan behar. Ahuakateondoa apaingarri gisa erabiltzen da parkeetan.

Erreferentziak

• Artikulu honen edukiaren zati bat Botanika.wikispaces.com webgunetik hartu da, CC BY-SA 3.0 lizentziapean.

• Datuak: Q37153
• Multimedia: Persea americana / Q37153
• Espezieak: Persea americana