Zerrenda:Euskal izena duten objektu astronomikoak

Bideo hau Ikusgela proiektuaren parte da. Bideoak dituzten artikulu guztiak ikus ditzakezu hemen klik eginez gero.

Euskal izena duten zortzi objektu astronomiko biltzen dituen bideoa.

Honakoa euskal izena duten objektu astronomikoen zerrenda da, bai izena euskarazko delako, edo Euskal Herrian jaiotako norbait omentzen dutelako:

Eguzki-sisteman

Planetetako ezaugarriak

• Suge Facula, Merkurion dagoen fakula edo egitura distiratsua, planetako beste fakula batzuei bezala, sugeekin lotutako izenak eman zitzaizkien.
• Ravel kraterra, Merkurion, Maurice Ravelen omenez.
• Judah Ha-Levi, Yehuda Halevi tuterar pentsalariaren izena daraman Merkurioko talka-kraterra.
• Abenezra Ilargiko talka-kraterra, Abraham ben Ezra tuterarra gogoratzen duena.
• Galdakao kraterra, Marten. Zutphen kraterraren ekialdean eta Gusevetik ipar-mendebaldera, Xabier Orue-Etxeberriak hala eskatuta izendatu zen.
• Ekhi Patera, Jupiterreko Io satelitean dagoen egitura geologikoa, euskaraz Eguzkia izendatzeko erabiltzen den beste hitz bat.
• Elkano mendiak, Plutongo Cthulhu eskualdean, Juan Sebastian Elkanoren omenez.

Asteroideak

• 1277 Dolores, Dolores Ibarruriren omenez.
• 2293 Gernika , Bizkaiko herriaren omenez.
• 2423 Ibarruri, sobietar Armada Gorrian hil zen Rubén Ruiz Ibarruriren omenez izendatua.
• 3060 Elkano, Joan Sebastian Elkanoren omenez.
• 3562 Ignazio, Ignazio Loiolakoa omentzeko.
• 3589 Loiola, Azpeitiko Loiola auzoa eta Ignazio Loiolakoaren jaiolekua.
• 4727 Ravel, Maurice Ravel lapurtar musikariaren omenez.
• 5229 Irurita, Baztango Irurita auzoaren omenez.
• 6192 Javiergorosabel, Javier Gorosabel euskal astronomoaren omenez izendatua.
• 22191 Atxukarro, Joaquin Atxukarroren omenez.
• 117413 Ramonycajal, Santiago Ramón y Cajal nafar medikuaren omenez.

Eguzki-sistematik kanpo

• Su planeta eta Gar izarra, Virgo konstelazioan dagoen sistema planetarioa, Su Ta Gar taldea gogorarazten duena.

Ikus, gainera

• Izar (izarra)