Indonesiako lehoinabarra

Lehoinabarra, leopardoa edo pantera (Panthera pardus) felidae familiako animalia ugaztuna da.

EzaugarriakAldatu

 
Pantera beltza

Animalia hauek puntu beltzez osaturiko azal horia dute. Espezie honetako batzuek azal beltza dute, eta, horiek, pantera beltza izenarekin ezagutzen dira.

Zentzumenei dagokionean, ikusmen eta entzumen ona duten animaliak dira.

Gorputzeko atalak aztertzen baditugu, animalia hauek buru handia, gorputz luzea eta hanka motzak dituzte.

Luzera, altuera eta pisuaAldatu

  • Animalia hauen gorputzak 1-1,8 metro inguruko luzera dute. Buztanak beste 75-100 zentrimetro inguru neurtzen ditu.
  • Gutxi gorabehera 45-65 zentrimetroko altuera izaten dute.
  • Pisuari dagokionean, 90 kilogramo pisatzen dute.

AbiaduraAldatu

Ugaztun hauek nahiko azkarrak dira: gutxi gorabehera, 72 km/h-ko abiadurara hel daitezke.

ElikaduraAldatu

 
Leopardo bat zuhaitzean bere harrapakinarekin

Animalia hauek haragijaleak dira, hau da, beste animalia batzuk jaten dituzte elikatzeko. Animalia txikiak ehizatzen dituzte, hala nola, tximinoak, untxiak, basurdeak, sugeak edota antilopeak.

Lehoinabarrek bakarka ehizatzen dute; orokorrean, gauez, baina batzuetan egunez ere ehizatzen dute. Ehizatutako harrapakinen zati bat zuhaitzetan ezkutatu ohi dute zenbait egunetarako bazkaria izateko.

UgalketaAldatu

 
Lehoinabar kumeak

Lehoinabarrek gutxi gorabehera hiru hilabeteko ernaldia izaten dute eta 2-4 kume bitartean izaten dituzte. Kasu gutxitan 6 kume ere jaio izan dira, nahiz eta gutxitan gertatu izan den.

Kumeak amarekin 14 hilabete inguru egoten dira. Denbora hori pasatu ondoren, lehoinabar gazteak bakarrik biziko dira ugaltzeko momentua iritsi arte.

HabitataAldatu

 
Mapa honek lehoinabarrak non bizi diren erakusten du

Animalia ugaztun hauek Afrika eta Asiako kontinenteetako sabana, mendi, oihan, basamortu eta basoetan bizi dira. Espezie honetako batzuk, elurreko lehoinabarra adibidez, lurralde hotzetan bizi dira.