Shinichi Suzuki
Shinichi Suzuki (japonieraz: 鈴木 鎮) (Nagoia, 1898ko urriaren 17a - Matsumoto, 1998ko urtarrilaren 26a) Japoniar pedagogoa izan zen, izen bereko biolin-ikaskuntzarako metodoaren sortzailea.
| Shinichi Suzuki | |
|---|---|
| Bizitza | |
| Jaiotza | Nagoia, 1898ko urriaren 17a |
| Herrialdea |  Japonia |
| Heriotza | Matsumoto, 1998ko urtarrilaren 26a (99 urte) |
| Familia | |
| Aita | Masakichi Suzuki |
| Hezkuntza | |
| Heziketa | Berlin University of the Arts (en)  |
| Hizkuntzak | japoniera |
| Jarduerak | |
| Jarduerak | biolin-jotzailea, musikologoa, musika-irakaslea, unibertsitateko irakaslea eta pedagogoa |
| Enplegatzailea(k) | Kunitachi College of Music (en) |
| Jasotako sariak | |
| Genero artistikoa | musika klasikoa |
| Musika instrumentua | biolina |
  | |
_3Class_BAR.svg){kind=small}
Biografia aldatu
Aitak harizko musika-tresna japoniarrak egiten zituen, eta Japoniako biolin-fabrikatzaile handiena izatera iritsi zen. Tokion lehenbizi, eta Berlinen gero, Joseph Joachim hungariar biolin-jotzaile eta irakaslearen ikasle handienetako birekin egin zituen musika-ikasketak. Laukote bat osatu zuen bere anaietako hirurekin, baina batez ere musika-irakaskuntzak eman zion ospea eta arrakasta. Biolina jotzeko irakaskuntza-metodo bat osatu zuen, haur orok, adimena gorabehera, hitz egiten ikasten duen bezala musika-tresna bat jotzen ere ikas dezakeelako printzipioan oinarrituta. Suzuki metodoa izena hartu zuen. Metodo horrek talde-diziplina bultzatzen du, banakoarena bultzatu ordez eta biolinaren kasuan ez ezik, beste tresna batzuen irakaskuntzan ere erabili izan da. Gaur egun, mundu osoan dago zabalduta.
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q512093
Multimedia: Shin'ichi Suzuki / Q512093
