Santa Katalina baseliza (Mundaka)

Santa Katalina baseliza Bizkaiko Mundaka udalerrian dagoen baseliza bat da. Izen berdineko penintsulan kokatua dago, balio geoestrategiko handiko gunean, izan ere ikuspedi bikaina eta garai batean Urdaibaiko itsas sarbideraren eremuaren defentsa bikaina baizegoen. Bestetik, Izaro eta Ogoño ezinegokiago ikus daitezke.

Santa Katalina baseliza
Santa Katalina baseliza eta atzealdean Ogoño. Irudi gehiago
Kokapena
Herrialdea	Euskal Herria
Probintzia	Bizkaia
Herria	Mundaka
Koordenatuak	43°24′38″N 2°41′52″W
Historia eta erabilera
Eraikuntza	1879

Gaur egungo baseliza 1879. urtekoa da, baina Erdi Arotik biltokia, izurrialdietan ospitalea eta defentsa gotorleku ere izan da.

Baselizak enbaten ondorioz kalteak izan eta ondorioz berreraikuntza ugari jasan arren, eraikinak bere jatorrizko gotiko eta errenazentista arteko trantsizio estiloa mantendu ahal izan du. Bestalde, historiari dagokionez, eraikina inguratzen duen harresiari ere so egin behar zaio, hau ere eraikina berreraiki zen garaikoa baita.

Haren barruan ofrenda bat ikusten da: belaontzi bat, eskala txikian xarmanki muntatua, eta bi maskor erral­doi, kapitain batek Filipinetatik ekarriak, ur bedeinkatuarentzako ontzi bezala erabil­tzen dituztenak.

Gaur egun, udalerri honetako turismogune nagusienetakoa da, eta horrela adierazten da udal webgunean. Gainera, urtero azaroaren 25ean mundakarrek eraikinaren inguruan eta barnealdean Santa Katalinaren omenezko jaia ospatu ohi dute. Antzina azaroaren 25ean, herriko marinelak ermitan bil­tzen ziren urtero, etxezaina, kontularia, epaileak, ultramanak eta talaiariak aukeratzeko.

• 
  Baseliza eta atzealdean Ogoño
• 
  Aurrealdea
• 
  Atzealdea
• 
  Santa Katalinaren irudia
• 
  Itsasotik ikusita

Ikus gainera

• Urdaibai

Kanpo estekak

• Datuak: Q18549868
• Multimedia: Hermitage of Saint Catherine, Mundaka / Q18549868