Reicheko Herritarrak Mugimendua

Reicheko Herritarrak Mugimendua
Datuak
Mota	gizarte mugimendua, mugimendu politikoa eta fringe theory (en)
Herrialdea	Alemania
Ideologia	Erregezaletasuna
Kokapen politikoa	Eskuin-mutur

Reicheko Herritarrak Mugimendua (alemanez: Reichsbürgerbewegung) edo Reicheko Herritarrak (alemanez: Reichsbürger) Alemaniako eskuin muturreko hainbat elkarte eta pertsona antikonstituzionalek eta errebisionistek jasotzen duten izendapena da. Mugimenduko kideek Alemaniako Errepublika Federalaren zilegitasuna ukatzen dute, 1871tik 1918ra eta 1933tik 1945era existitu zen Alemaniar Reicha estatu zilegitzat ezagutuz emanez.

Historia aldatu

1985ean Wolfgang Gerhard Günter Ebelek, Mendebaldeko Berlingo trafiko-superindente zenak, Reicheko Behin Behineko Gobernua (alemanez: Kommissarische Reichsregierung, KRR) delako mugimendua sortu zuen. Ebelek bere burua Reicheko kantziler izendatu zuen, aliatuen okupazioguneko agintarien esanetara jarduten zuela esanez.

KRRak txanponak eta posta-zigiluak jaulkitzeari ekin zion, baita bere erakundea Interneten eta beste hedabidetan sustatuz. Jarraitzaile-kopuruak ahalbidetzen duen lekuetan berrezarritako erakundeak emulatzen dituzte; hala nola, Weimarko Errepublikaren eta antzinako Alemaniako estatuen auzitegiak eta legebiltzarrak. Denboraldi batean estatu paralelo bat sortzen saiatu ziren hainbat erakunde eta aginte-kargu berrezarriz, esaterako: Reichstag legebiltzarra, Reicheko ministroak, estatu gobernuak eta Reichsgericht auzitegi gorena.

2022ko abenduaren 7an Alemaniako poliziak Reicheko Herritarrak mugimenduko 25 kide atxilotu zituen estatu-kolpea prestatzen ari zirelakoan.^[1]

Ideologia aldatu

Reicheko Herritarren Mugimenduaren ideologia eskuin muturrekoa da. Mugimenduak konspirazioaren teoriaren, antisemitismoaren eta arrazakeriaren aldeko ideiak agerrarazi ditu. Hainbat hedabidek mugimendua izatez neonazitzat jo izan dute. Horrez gain, mugimenduaren baitan badira Alemaniar Inperioaren berrezarpenaren aldeko erregezaleak.

Erreferentziak aldatu

↑ Torner Zabala, Jon. (2022-12-07). «Polizia operazio erraldoia Alemanian eskuin muturraren aurka, estatu-kolpea prestatzen ari zirelakoan» Argia (Noiz kontsultatua: 2022-12-08).

Kanpo estekak aldatu

Datuak: Q1618804
Multimedia: Reichsbürgerbewegung / Q1618804

[1] Torner Zabala, Jon. (2022-12-07). «Polizia operazio erraldoia Alemanian eskuin muturraren aurka, estatu-kolpea prestatzen ari zirelakoan» Argia (Noiz kontsultatua: 2022-12-08).

[1]