Peio Ospital
Peio Ospital (Ezpeleta, Lapurdi, 1948) euskal abeslaria da, Pantxoa Carrererekin batera Pantxoa eta Peio musika taldearen partaidea.
| Peio Ospital | |
|---|---|
 | |
| Bizitza | |
| Jaiotza | Ezpeleta, 1948 (75/76 urte) |
| Herrialdea |  Lapurdi, Euskal Herria |
| Hezkuntza | |
| Hizkuntzak | euskara frantsesa |
| Jarduerak | |
| Jarduerak | abeslaria |
| Lan nabarmenak | |
| Kidetza | Pantxoa eta Peio |
| Musika instrumentua | ahotsa |
1970eko hamarkadan hasi ziren euskal abertzaletasunari lotutako abestiak kantatzen. Ipar Euskal Herrian ez ezik, Hego Euskal Herrian ere ezagun bihurtu ziren. Hori dela eta, eurek abestutako kanta asko euskal musikan klasiko eztabaidaezin bihurtu dira.
Hauek dira bikote honen abestirik ezagunenetariko batzuk: Lepoan hartu ta segi aurrera, Itziarren semea, Urtxintxak, Azken dantza, Bai euskarari, Batasuna, Greziako itsasontzia eta Egunsenti hura.
Elkar argitaletxearen sortzaileetako bat 1972an aldatu
Euskal Liburu eta Kantuen Argitaldaria S.L. (ELKAR S.A.R.L.) 1972an sortu zen Baionan. Helburu zehatz batekin sortu zuten: garaiko euskal kultur egoeraren norabidea aldatzea. Euskarazko sorkuntza txikia zen orduan, argitaratzeko zailtasunak handiak eta behar kulturala ere handia. Hutsune hori betetzeko sortu zuten argitaletxea.[1][2]
Sortzaileak Ipar Euskal Herriko 20 gazte izan ziren, 9 emakumezkoak eta 11 gizonezkoak, Manex Pagola izan zen ideiaren bultzatzaile nagusia Gexan Alfaroren laguntzarekin. Bazkide bakoitzak orduko 1.000 franko jarri zituen, garai hartako hilabete bateko soldata. Elkar argitaletxearen sortzaileak, 1972an, hauek izan ziren:[3]
- Alfaro, Gexan
- Arbelbide, Martxelin
- Carrere, Pantxoa
- Erramuzpe, Patxika
- Etxeberri, Mixel
- Gayon, Bernard
- Iriart, Jean
- Hiriart, Maialen
- Idiart, Jakelin
- Idiart, Joana
- Ithurbide, Maialen
- Landart, Daniel
- Lapique, Christiane
- Lartzabal, Battitta
- Laskibar, Raymond
- Maitia, Jean-Louis
- Noblia, Argitxu
- Ospital, Peio
- Pagola, Manex
- Ruiz Ceberio, Arrosa
Diskoak aldatu
- Itziarren semea (1969, Mende Berri), disko txikia.
- Ez dut saldu arima (1970, Dizkola), disko txikia.
- Aita kartzelan duzu (1971, Goiztiri), disko txikia.
- Peio / Pantxoa (1975, Herri Gogoa)
- Peio Ospital eta Pantxoa Carrere (1975, Elkar)
- Euskalduna naiz eta maite dut herria (1978, Elkar)
- Bai Euskarari (1980, Elkar)
- Bakezko besarkada batean (1985, Elkar)
- Eguzkiaren musu (1990, Elkar)
- 1969-1991 (1991, Elkar)
- Oles ta oles (1997, Elkar)
- Lapurtar koblariak (2002, Elkar)
- Lurra eta maitasuna (2006, Elkar)
- Beste Bat (2006, Agorila)
Ikus, gainera aldatu
Kanpo loturak aldatu
Datuak: Q12265715
- ↑ Ugarte Irizar, Itziar. (2022-10-23). «ELEFANTE BAT MALETAN» Berria (Noiz kontsultatua: 2023-04-10).
- ↑ Gipuzkoa Foru Aldundia. (2022). Elkar Taldea - Urrezko Domina 2022. Gipuzkoa - Youtube (Noiz kontsultatua: 2023-04-12).
- ↑ Kamio, Ariane. (2022-12-02). «Elkar taldea: Iraganak bezainbat etorkizun» www.naiz.eus (Noiz kontsultatua: 2023-04-10).