Oriamendiko Martxa

Oriamendiko Martxa karlismoaren ereserkia da. Izena 1837an izen bereko mendian egindako gudutik datorkio. Kondairak dio karlistek, liberalak menderatu eta gero, haien kanpamenduan Britainiar Legio Laguntzailearen musikagile batek egindako eta donostiar liberal batek moldatutako partitura topatu zutela, eta karlistek berek hitzak emango zizkiotela.

Oriamendiko Martxa
Jatorria
Argitaratze-data	1837
Izenburua	Oriamendiko Soñuba
Honen izena darama	Oriamendiko gudua
Ezaugarriak
Hizkuntza	euskara
Egile-eskubideak	jabetza publiko

Oriamendiko Soñuba

Jatorrizko hitzak gipuzkeraz zeuden, eta hauek ziren:

«

Gora Jainko maite maitea zagun denon jabe. Gora España ta Euskalerria ta bidezko errege. Maite degu Euskalerria, maite bere Fuero zarrak, asmo ontara jarriz daude beti Karlista indarrak. Gora Jaungoiko illezkor!!! Gora euskalduna, audo ondo Españia-ko errege bera duna!!!

»

Gero, Silvano Cervantesek musika berriz moldatu zizkion, eta Ignacio Baleztena Azkaratek hitzak aldatu:

«

Por Dios, por la patria y el Rey Lucharon nuestros padres. Por Dios, por la patria y el Rey Lucharemos nosotros también. Lucharemos todos juntos Todos juntos en unión Defendiendo la bandera De la Santa Tradición. (errepikatu) Cueste lo que cueste Se ha de conseguir Venga el rey de España A la corte de Madrid. (errepikatu) Por Dios, por la patria y el Rey Lucharon nuestros padres. Por Dios, por la patria y el Rey Lucharemos nosotros también.

»

Espainiako Gerra Zibilean erreketeen ereserki bilakatu zen eta 1937ko otsailaren 27an Francisco Francok Falange Españolaren Cara al sol eta José María Pemánek idatzitako Errege Martxa abestiekin batera, abesti nazional izendatu zuen. Hala ere hitzak berriro aldatu zituen monarkiarekin lotura ez izateko. Hain zuzen ere zati hau:

«

Venga el rey de España A la corte de Madrid.

»

Zati honekin aldatu zuten:

«

Que los boinas rojas Entren en Madrid.

»

Kanpo estekak

• Oriamendiko Martxa euskaraz etab.

• Datuak: Q2166560
• Multimedia: Marcha de Oriamendi / Q2166560