Naturgas Energia (lehen Naturgas) gas eta elektrizitate enpresa bat da, egoitza Bilbon duena. Electricidade de Portugal (EDP) enpresaren eskumendekoa. 2003an sortu zen, Eusko Jaurlaritzak erabaki baitzuen Euskal Autonomia Erkidegoko lau konpainia publiko hauek pribatizatzea: Bilbogas (Bilbokoa), Donostigas (Donostiakoa), Gasnalsa (Gasteizkoa) eta Gas de Euskadi (Euskal Autonomia Erkidego osokoa). Naturcorp sozietatean zeuden bilduta lau enpresa horiek.[1]

Naturgas
Datuak
Mota negozioa
Industria gas industry (en) Itzuli eta energy industry (en) Itzuli
Herrialdea Espainia
Gobernantza
Egoitza Bilbo
Forma juridikoa sociedad anónima
Jabea Energias de Portugal (en) Itzuli, Energiaren Euskal Erakundea eta Donostiako Udala
Ekonomia
Diru-sarrerak 1.331.000.000 € (2010)
Irabazi-garbia 196.000.000 € (2010)
Historia
Sorrera 2003
naturgas.es

Pribatizazioa lehiaketa publiko baten bidez egin zen, 2002an, eta lau enpresak aurkeztu zituzten eskaintzak: Hidrocantabrico, Iberdrola, Gas Natural eta Enel enpresek. Lehendabizikoak irabazi zuen, eta 2003an Naturcorp erosi zuen. Hurrengo urtean, 2004an, Electricidade de Portugalek Hidrocantabrico erosi zuen.[1][2]

Gaur egun, Naturgas Energiak gas naturalez hornitzen dituen udalerriak 172 dira: Euskal Autonomia Erkidegoko 133, Asturiasko 31, Gaztela eta Leongo 2, Kataluniako 2, Murtziako 2, Madrilgo 1 eta Extremadurako 1.[3]

Naturgas Energia sozietatearen akziodun nagusiakAldatu

Naturgas Energiak bi akziodun nagusi ditu: Hidroeléctrica del Cantábrico (egoitza Oviedon duen sozietatea, Electricidade de Portugalek kontrolatua), % 65,6rekin, eta Eusko Jaurlaritzaren Energiaren Euskal Erakundea (EVE), % 30,3rekin. Donostiako Udalarenak dira gainerako akzioak, % 4,1.[4]

ErreferentziakAldatu

  1. a b (Ingelesez) EVEren prentsa oharra, Eusko Jaurlaritzaren webgunean.
  2. (Gaztelaniaz) Naturgas Energiaren webguneko «Historia» atala.
  3. Naturgas Energiaren webguneko «Egitura eta negozioak» atala.
  4. Naturgas Energiaren webguneko «Akziodunak» atala.

Kanpo estekakAldatu