Musakola

Musakola Arrasateko (Gipuzkoa) auzoa da. Mondragoetik Bergara aldeko irteeran dago, Legarreko etxeetan hasi eta Garratz baserria eta Kataide industrialderaino iristen da. Bertakoek Zigarrola eta Ziorla ere deitzen diote. 1950eko hamarkada arte baserri auzo bat zen, baina industrializazioarekin batera erabat aldatu zen auzoaren itxura. Gaur egun 2.600 bizilagun inguru bizi dira Musakolan, etxe multzotan sakabanatuta: Zerrajerako etxeak, San Antolin, San Lorentzo, Santa Teresa, Legarre…, eta, albo batean ez bada bestean, industrialdez eta tailerrez inguratuta. Astoa da Musakolako sinboloa.

Musakola
Euskal Herria
Kokapena
Herrialdea	{{Herrialde info Gipuzkoa | herrialde bandera2 | izena = Gipuzkoa | aldaera = | tamaina = }}
Udalerria	Arrasate
Geografia
Koordenatuak	43°04′05″N 2°28′41″W

Jaiak

Musakolako jaiak maiatzaren 15ean ospatzen dira, San Isidro egunean. Izan ere, nekazarien patroia da Musakolako zaindaria.

Baserriak

Gaur egun 15 baserri daude Musakola auzoan, garai batean baino dezente gutxiago. Hauek dira:

Altxibar Antoña Etxebarri Aranguren Arbe Axerikua

Barrenazar Egiaundi Garratz Ibaiondo Masua edo Agerre Etxebarri

Mojategi Osinalde Saburdi Txokorro Zabaleta

Elizak

Bi eliza daude Musakolan:

• San Isidro eliza, Deba ibaiaren ondoan dago. Bera da elizarik zaharrena.
• Santa Teresa eliza. 1960ko hamarkadan egina, industrializazio garaian.

Lagunarte gastronomikoak

• Al Andalus. Arrasateko andaluziarren elkartea. Kultura ekintza ugari antolatzen ditu, adibidez, Rocioko eguna, Eroski inguruko parkean.
• San Isidro. Gerra ostean sortua, bera da elkarterik zaharrena.
• Ziar-ola. Elkarterik berriena, garai bateko Ifan tailerra zegoen lurretan dago, hango etxe multzo berrian.

Udal hauteskundeetako emaitzak

2007ko maiatzaren 25ean udal hauteskundeak izan ziren. Egun hartan, 2.251 hautesle zeuden Musakolan (%100), baina 802 abstenitu egin ziren (%35,63). Alderdien botoak horrela banatu ziren:

alderdia	botoak	%
EAE-ANV	472	33,08
EAJ	253	17,73
PSE-EE	245	17,17
EB-Zutik	204	14,30
EA	129	9,04
PP	85	5,96
Aralar	39	2,73
Zuriak	14	0,97
Baliogabekoak	8	0,55
Abstentzioa	802	35,63

Auzo alkatetzak

Musakolak bi auzo alkate ditu: bat kalekoa eta bestea baserriez arduratzen dena.

• Kaleko alkatea: Mikel San Miguel
• Baserrietako alkatea: Espe Agiriano

Enpresak

Enpresa eta tailer asko dago Musakolan, batzuk handi samarrak eta ezagunak, hala nola, Astore, Eroski, JMA, Joma eta Roneo.

Ikastetxeak

• Musakolako Herri Eskola
• Arrasateko Institutua
• Arizmendi ikastola

Zerbitzuak

Enpresak bai, baina zerbitzuak ere baditu Musakola auzoak:

• Arrasateko kiroldegia.
• Eroski hipermerkatua.
• Bi gasolindegi
• Kirol medikuntzako zerbitzua
• Jatetxeak
  • Gaindegi 943 79 70 60
  • Hiper Eroski 943 79 55 69
  • Kataide 943 79 60 10
  • Meneta 943 79 65 31

Kanpo estekak

• Musakola auzoa Tagzanian
• Musakolako kiroldegia
• Aukea Kirol Erakundea
• Musakolako igerilekuak
• Kirol Medikuntzako Zerbitzua
• Masaje Zerbitzua
• Arrasate Institutua
• Arrasate Herri Eskola
• Arizmendi ikastola
• Astore
• JMA
• Roneo
• Joma

Euskarazko Wikipedian bada atari bat, gai hau duena: Euskal Wikiatlasa