Maritxu Egiguren
Maria Asunción “Maritxu” Egiguren Gallastegi (Zaldibar, Bizkaia, 1921eko abuztuaren 14a - Bartzelona, 1981eko azaroaren 21a) erraketista profesionala izan zen, kantxetan Marichu izenarekin aritutako aurrelaria.[1]
| Maritxu Egiguren | |
|---|---|
 | |
| Bizitza | |
| Jaiotza | Zaldibar, 1921eko abuztuaren 14a |
| Herrialdea |  Bizkaia, Euskal Herria |
| Heriotza | Bartzelona, 1981eko azaroaren 21a (60 urte) |
| Hezkuntza | |
| Hizkuntzak | euskara gaztelania |
| Jarduerak | |
| Jarduerak | Erraketista |
Biografia
aldatuJainaga Garaikoa baserrian jaio zen eta gaztetan hasi zen erraketa jokoan trebatzen. Aitari laguntzen egunero joaten zen Eibarrera etxeko behien esnea partitzera bezeroen artean eta zereginok amaituta denboratxo bat eskaintzen zion erraketan jokatzeari. Luzatze asmoz, isilean ordu bete atzeratzen zion erlojua aitari.[1]
Bartzelonara kontratuarekin joateko eskaintza etorri zitzaion eta ez zuen ezetzik esan. Neska taldetxo bat joan zen eta elkarrekin bizi izan zen. Gose handia pasatzen zutela gogoratzen zuen berak: gerra ostea, errazionamendu sasoi betea… Ameriketara jokatzera joan ziren bere inguruko lagun batzuk, bera ez ordea.
Bartzelona, Sabadell eta Logroñoko frontoietan jokatu zuen aurrelari postuan.[1]
1946an Salvador Vidalekin ezkondu ostean ere jokatzen jarraitu zuen. Elkarrekin joaten ziren frontoira; berari lasaitasuna ematen zion senarra han egoteak, babestuta sentitzen zela esaten zuen. Beldur apur bat bazen erraketista batzuen artean: gazte oraindik, bakarrik, familiarengandik urrun... Gainera sarritan entzun behar izan zuten denak elkarrekin bizi baziren, lagun artekoena baino afektuosoagoa izango zela euren hartu-emana. Esamesak beti mingarri.
Erraketista profesionalek, soldataz gain, kinielen mugimenduarekin ateratzen zuten diru estra jasotzen zuten. Harmailetako jokalari gehiena gizonezkoa izaten zen, baina andrazkoak ere baziren ikusleen artean. Maritxuk behin apustulari batekin arazo latza izan zuen: partidua salduta zuela eta tongoa egiten ari zela uste zuelarik, oihuka hasi zitzaion, “Putakume!” diharka. Oso jenio bizikoa zen eta hori entzun zuenean, kantxatik irten, topatu publikoan ikuslea eta bere amari holakorik esatea onartzen ez zuela, amorruaren amorruaz erraketaz buruan jo zuen. Salaketa jarri zion erasotuak eta epaiketa irabazi izan zuen zaldibartarrak.
Aintzatespenak
aldatu- Zaldibarko Olazar udal pilotalekuan, Maritxu Egigurenen eta Jesusa Garitaonandiaren koadro bana daude hormetako baten jarrita, bi erraketiston argazkiarekin.
Erreferentziak
aldatuKanpo estekak
aldatu- Raketistak Lehen eta Orain. Dokumentala.
- Apostando por ellas. Bideoa.
- Azken erraketistak: mende hasierako lehen kirolari profesionalak. Bideoa.
- Emakume erraketistak. Erakusketa
- Las raquetista, pioneras en el mundo de la pelota. Bideoa.
Datuak: Q126269754
