Lurdako gaztelua
Lurdako gaztelua (frantsesez: Château fort de Lourdes) Frantziako hegoaldeko Pirinio Garaiak departamenduan dagoen Lurda udalerrian kokatzen den gaztelu-gotorleku bat da, Okzitanian. Udalerria bere itzalpean du, bertako edozein lekutatik ikus daitekeelarik.
| Lurdako gaztelua | |
|---|---|
 Monumentu historikoa | |
.JPG) | |
| Kokapena | |
| Estatu burujabe |  Frantzia |
| Frantziaren banaketa administratiboa | Metropolitar Frantzia |
| Eskualdea |  Okzitania |
| Departamendua |  Pirinio Garaiak |
| Barruti | Argelès-Gazosteko barrutia |
| Frantziako udalerri | Lurda |
| Koordenatuak | 43°05′48″N 0°02′57″W / 43.0967°N 0.0492°W |
 | |
| Historia eta erabilera | |
| Jabea | Q86605654  |
| Ondarea | |
| Mérimée ID | PA00135708 |
Leku estrategikoan dago, Lavedango zazpi haranen sarreran, Espainiako mugatik hurbil, Lurdako santutegiaren alboan eta Gizateriaren Ondare den Pirinioetako Parke Nazionalatik oso hurbil ere.
HistoriaAldatu
Eraikin multzoa 778 baino aurreagokoa da, urte honetan Karlomagnoren gudarosteen setioa jasan baitzuen. XI. mendea eta XII. mendearen artean Bigorrako kondeen egoitza izan zen.
XIII. mendean gaztelua eta bere jabetzako lurraldeak Champagneko kondeen eskuetara igaro ziren, hauek era beran Nafarroako Erresumako erregeak ere bazirelarik, ondoren Filipe IV.a Frantziakoaren erregealdian Frantziako Erresumako zati izatera iragan zelarik. 1360ko Brétignyko Akordioaren ondorioz Ingalaterrako Erresumaren eskuetara igaro zen, XV. mendean Frantziako Erresumara itzuliz, aurretik bi setio pairatuz.
XVII. mendean gaztelua errege espetxe bilakatu zen, eta Frantziako Iraultzaren ondoren, Estatu espetxea, XX. mendea arte mantendu zuen funtzioa izan zelarik.
1921an bere instalakuntzak Musée Pyrénéen museoren egoitza izan ziren, eskualde guztiko handi eta garrantzitsuena, gaur egun arte bisitariei eskualdearen artea eta bizimoduaren inguruko ezaugarriak erakusgai dituelarik, okzitaniar sukaldaritzatik hasi eta janzkera arte. 1933an aurrera Frantziako Kultur Ministerioak Monumentu Nazional izendatu zuen.
EraikinaAldatu
Gazteluaren antzinako egiturak mendeetan zehar handitze eta zaharberritze lan ugari izan ditu, bai harresi nahiz gotorlekuan.
IruditegiaAldatu
Aireko ikuspegia.
Gauez.
Dorrea.
Gazteluaren kapera.
.JPG)
Kanpo estekakAldatu
- Lurdako gaztelua. Lurdako udal webgunea (Ingelesez)
Datuak: Q2724447
Multimedia: Château fort de Lourdes
