Luigi Comencini
Luigi Comencini (Salò, Italia, 1916ko ekainaren 8a - Erroma, Italia, 2007ko apirilaren 6a) zinemagilea izan zen.
| Luigi Comencini | |
|---|---|
 | |
| Bizitza | |
| Jaiotza | Salò, 1916ko ekainaren 8a |
| Herrialdea |  Italiako Erresuma (1916ko ekainaren 8a - 1946ko ekainaren 18a) Italia (1946ko ekainaren 18a - 2007ko apirilaren 6a) |
| Heriotza | Erroma, 2007ko apirilaren 6a (90 urte) |
| Hobiratze lekua | Cimitero Flaminio (en)  |
| Heriotza modua | berezko heriotza: Parkinsonen gaixotasuna |
| Familia | |
| Seme-alabak | |
| Familia | ikusi
|
| Hezkuntza | |
| Heziketa | Polytechnic University of Milan (en) |
| Hizkuntzak | alemana italiera |
| Jarduerak | |
| Jarduerak | film-zuzendaria, gidoilaria eta errealizadorea |
| Lantokia(k) | Italia |
| Jasotako sariak | |
| Genero artistikoa | commedia all'italiana (en) |
      | |
Bizitza
aldatuBigarren Mundu Gerra amaitu eta berehala (1946) egin zuen lehen film luzea, Haurrak hirian, bonbek suntsitutako hirigune batean haur-talde batek sortzen duen bere kasako munduaren inguruan. Film horren arrakastaren ondoren napolitar komediaan ahalegindu zen Capriko enperadorea, 1950, baina benetako arrakasta Ogia, maitasuna eta fantasia (1953) filmak ekarri zion; Gina Lollobrigidak eta Vittorio de Sicak 1950eko hamarkadako Italiako komediarik ospetsuena egin zuten pelikula horretan. Jarraipenik ere izan zuen: Ogia, maitasuna eta jelosia (1954), protagonista berekin. Erromako ederra (1955) egin zuen segidan, pikaro giroko satira.
Komediarekin batera, haurren eta gaztetxoen mundua, eta horien eta helduen arteko harremanak izan ziren bere zinemaren beste ardatz nagusia. Horren adibide dira Heidi eta Ulertu gabea (1966), Denak etxera (1962) eta Pinotxo (1972). Aipagarriak ditu Giacomo Casanova veneziarraren haurtzaroa, bokazioa eta lehenbiziko esperientziak (1969), Lo scopone scientifico (1972) eta Istorioa (1986) filmak ere.
Erreferentziak
aldatu- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q53015
Multimedia: Luigi Comencini / Q53015
