Leukozitosi

Leukozitosia odoleko leukozito kopuruaren handiagotzearen ondorioz sortutako asaldura da.

Leukozitosi
Deskribapena
Mota	leukocyte disease (en) , pleocytosis (en) hemic system symptom (en)
Espezialitatea	hematologia
Identifikatzaileak
GNS-10-MK	D72.8
GNS-9-MK	288.3, 288.6x
GNS-10	D72.8
GNS-9	288.3, 288.6x
DiseasesDB	33024
MeSH	D007964D007964

Ohar medikoa

Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.

Gizaki osasuntsu batean leukozitoen kopurua 5.000-10.000/mm³ da. Leukozitosia dago kopuru hori 11.000/mm³-tik gora dagoenean.

Kopuru handian dauden leukozito motaren arabera leukozitosi ezberdinak daude:

• neutrofilia, neutrofiloen kopurua handituta dagoenean. Hau da leukozitosi ohikoena.
• linfozitosia, linfozitoen kopurua handituta dagoenean
• monozitosia, monozitoen kopurua ohi baino handiagoa denean
• eosinofilosia, eosinofiloen kontaketa altua denean. Aurrekoen baino arraroagoa da.

Leukozitosiaren eragile asko daude, ohikoenak bakterioek edo birusek sortutako infekzioak izanik. Infekzioez gain, leukozitosi baten atzean ere eragile hauek egon daitezke:

• ariketa fisiko trinkoa
• estresa
• haurdunaldia
• gibeleko gaitzak
• leuzemia eta beste minbizi batzuk
• hantura sortzen duten gaitz autoimmuneak

Leukozitosi mota bakoitzak jatorri espezifikoa du, eta horrek informazioa ematen dio sendagileari. Adibidez, bakterioek eragindako infekzioek neutrofilia sortu ohi dute. Linfozitosia, aldiz, birusek sortutako infekzioen ondorioz agertu ohi da, edo bakterioek sortutako infekzio kronikoen ondorioz. Eosinofilosiaren atzean sarritan parasitoek sortutako infekzioak daude.

Infekzio bat hasten denean leukozitosia apala da. Infekzioa akutua denean leukozitoen kopurua altuagoa da, eta 20.000/mm³-raino irits daiteke. Kopurua 50.000-tik gora denean leuzemia adierazi ohi du.

Kanpo estekak

• Datuak: Q974869