Lemoako geltokia

Lemoa
	Geltoki kanpoaldeko ikuspegia.
	Kokapen mapa
Lineak
Kokapena
Helbidea	Estaziñoa auzoa, 9; 48330
Udalerria	Lemoa, Bizkaia
Geltokiaren datuak
Gunea	3. gunea
Irekiera	2008
Irisgarria
Zerbitzuak
Aldageltokia
Nasak	2
Trenbideak	3
Jabea	Euskal Trenbide Sarea
Eragilea	Eusko Trenbideak
Garraio zerbitzuak
EuskoTren	Bilbo ↔ Donostia ; Bilbo ↔ Elgoibar ; Bilbo ↔ Bermeo
Bizkaibus	A3911 Bilbo - Galdakao Ospitalea - Lemoa - Durango - Elorrio ; A3912 Bilbo - Galdakao Ospitalea - Lemoa - Durango - Ermua - Eibar ; A3917 Zeanuri - Lemoa - Galdakao Ospitalea - Bilbo ; A3925 Ubide - Otxandio - Lemoa - Bilbo ; A3927 Zeanuri - Lemoa - Bilbo (Autopistatik)

43°12′26″N 2°46′32″W / 43.207110°N 2.775479°W

Lemoa Euskotren Trena eragilearen E1, 1D eta E4 lineei dagokien lurgaineko geltokia da, izen bereko udalerriko Estaziñoa auzoan kokatuta dagoena, Cementos Lemona enpresaren aurrean. Gaur egungo geltokia 2008an ireki zen eta Bizkaiko Garraio Partzuergoaren 3. tarifa-gunearen barruan dago.

Geltokia kaleko kotan dagoen bestibuludun eraikinaz eta bi estalpedun nasaz hornituta dago, bata zentrala eta bestea albokoa. Nasen arteko komunikazioa bestibulutik egiten da.

Sarbideak

Geltokiak sarbide bakarra du, kaleko kotan. Trenbideetara jotzeko, geltoki barruan eskailera zein igogailuak daude, irisgarritasuna bermatzen delarik.

Estaziñoa auzoa, 9

Geltoki berria

2004ko abenduaren 17an Euskal Trenbide Sareak N-240 errepidean Arraibi auzoan zegoen pasonibela kentzeko lanak hastearekin batera, Lemoako geltoki berria eraikitzeko hasierako pausoak eman zituen. 2006ko amaieran pasonibela ezabatu zen, trenbidea lurperatuz.

2008an geltoki berria ireki zen.^[1] Geltokiaren eraikinak uhin formako estalkia dauka, zeinak bi nasa, bata zentrala eta bestea albokoa, babesten dituen. Estalkiaren aldeetara panel zeharrargiak daude, fatxadak itxiz eta argia pasatzen uzten. Eraikinak balioztatze-makinak, kafetegia eta komunak ditu. Nasen arteko komunikazioa trenbidearen gainetik eraiki den estalitako pasabidetik egiten da. Pasabidea eskaileraz zein igogailuz hornituta dago, irisgarritasuna bermatzen delarik.