Zornotzako geltokia

Amorebieta
	Geltokiaren eraikina, bestibulura sarrera.
	Kokapen mapa
Lineak
Kokapena
Helbidea	Sabino Arana kalea, 32; 48340
Udalerria	Zornotza, Bizkaia
Geltokiaren datuak
Kodea	AMO
Gunea	3. gunea
Irekiera	1882ko uztailaren 1.a (Bilbo-Durango trenbidea); 1888ko abuztuaren 4a (Zornotza-Gernika trenbidea)
Itxiera	1989 (Zornotza-Bermeo trenbidea)
Irisgarria
Zerbitzuak
Nasak	2
Trenbideak	3
Jabea	Euskal Trenbide Sarea
Eragilea	Eusko Trenbideak
Garraio zerbitzuak
EuskoTren	E1 Bilbo-Matiko - Donostia-Amara ; 1D Matiko - Elgoibar

43°13′00″N 2°44′11″W / 43.216772°N 2.736459°W

Amorebieta Euskotren Trena eragilearen E1 eta 1D lineei dagokien lurgaineko geltokia da, Zornotza udalerriko Leginetxe auzoan dagoena. Geltokia 1882ko uztailaren 1.an ireki zen, baina gaur egungo eraikina 1995ko urriaren 5ean inauguratu zen, eta Bizkaiko Garraio Partzuergoaren 3. tarifa-gunearen barruan dago.

Artikulu hau Amorebieta izeneko geltokiari buruzkoa da; Amorebieta Geralekua gaitzat duena beste hau da: «Amorebieta geralekua»

Geltokia trenbidearen gaineko kotan dagoen bestibuludun eraikinaz eta bi estalpedun nasaz hornituta dago, bata zentrala eta bestea albokoa. Nasen arteko komunikazioa bestibulutik egiten da. Geltokia eskaileraz zein igogailuz hornituta dago, irisgarritasuna bermatzen delarik.^[1]

Kokapena aldatu

Trenbide kokapenari erreparatuz, geralekua hurrengo trenbiden parte da:

Zabalera metrikoa duen Bilbo-Donostia trenbidearen parte da, 22,310. puntu kilometrikoan kokatuta.^[2]

Zabalera metrikoa duen Zornotza-Bermeo trenbidearen jatorria da, 0,000. puntu kilometrikoan kokatuta.^[3] Hala ere, gaur egun trenbide honek ez du zerbitzurik eskaintzen geltokian.

Kokapen geografikoaren inguruan, Garatondo errekan zehar hedatzen da, Landatxu eta San Pedro kaleen artean, Zornotza udalerrian.

Sarbideak aldatu

Geltokiak hiru sarbide ditu, nagusia Sabino Arana kaletik, eskailera eta igogailu bidezkoa, eta bigarren mailakoak Santa Luzia Leginetxe auzotik eta Sabino Arana kaletik, zubi bidez eta arrapala bidez, hurrenez hurren. Sarbideotatik geltokiko bestibulura heltzen da, eta hortik nasetara eskailerak eta igogailuak daude.

Sabino Arana kalea, 27
Sabino Arana kalea, 42
Santa Luzia Leginetxe auzoa, 12A

Irisgarritasuna aldatu

Geltokira sarbidea	Sabino Arana kalea, 27
	Sabino Arana kalea, 42
	Santa Luzia Leginetxe auzoa, 12A
Nasara sarbidea	1. trenbidea
Nasara sarbidea	2. trenbidea
Trenera sarbidea	1. trenbidea
Trenera sarbidea	2. trenbidea

Historia aldatu

Geltokia 1882ko uztailaren 1.an jarri zen martxan, Bizkaiko Trenbide Nagusiaren Konpainiak eraikitako Bilbo-Durango trenbidearen parte izanik.

1888ko abuztuaren 4an Zornotza-Gernika trenbidea inauguratu zen, geltoki-burua Zornotzako geltokia izanik. Hala, Bilbo, Zornotza eta Gernika arteko bidaiak eskaintzen hasi ziren, Bizkaiko Trenbide Nagusiaren Konpainia eta Zornotzatik Gernika-Lumorako Trenbide Konpainiaren artean sinatutako hitzarmenari esker.^[4]

Gernikako lineak hiru trenbide eta zubi birakorra zituen. Baita kotxetegiak, zama-garraioentzako biltegia, eta Bilbo-Durango trenbidearekin lotura egiteko trenbideak. Geltokiaren eraikina bi lineentzako bakarra zen.

1973an Bilbo-Donostia eta Zornotza-Bermeo trenbideen arteko lotura zuzena eraiki zen, bi lineen arteko aldaketa zuzena ahalbideratuz.

1989tik Bilbotik Bermeora ibiltzen diren trenak ez dira geltoki honetatik igarotzen.

1995ean Zornotza eta Lemoa arteko trenbide tartean trenbide bikoitza ezarri zen, eta bidaiarientzako eraikin berria egin zen, 1995ko urriaren 5ean inauguratua.