Kaltzio kloruro

konposatu kimiko

Kaltzio kloruroa konposatu ez-organikoa da, CaCl2 formula duen gatza hain justu. Solido kristalino zuria da eta oso disolbagarria uretan. Egoera puruan solido anhidro eta higroskopikoa da[1]. Alabaina, normalean hidrataturik aurkitzen da formula hau duelarik: CaCl2(H2O)x non x= 0, 1, 2, 4 edo 6 izan daitekeen.

Kaltzio kloruro
Formula kimikoa CaCl2
SMILES kanonikoa [Cl-.[Cl-].[Ca+2]&zoom=2.0&annotate=none 2D eredua]
InChl 3D eredua
Osatuta kaltzio eta kloro
Ezaugarriak
Dentsitatea
2,15 g/cm³
Azidotasuna (pKa) 89
Fusio-puntua 772 °C
Irakite-puntua 1.935 °C
Masa molekularra 109,9 u
Erabilera
Tratatzen du bihotz-biriketako geldialdi eta Tetania
Arriskuak
NFPA 704
NFPA 704.svg
0
2
1
Identifikatzaileak
InChlKey UXVMQQNJUSDDNG-UHFFFAOYSA-L
CAS zenbakia 10043-52-4
ChemSpider 23237
PubChem 5284359
Gmelin 3312
ChEMBL CHEMBL1200668
RTECS zenbakia EV9800000
ZVG 1910
DSSTox zenbakia EV9800000
EC zenbakia 233-140-8
ECHA 100.030.115
CosIng 32318
MeSH D002122
RxNorm 1667640 eta 1901
UNII OFM21057LP
NDF-RT N0000146424
KEGG C08130

Naturan bi forma nagusitan aurkitzen da:

ErabileraAldatu

Kaltzio kloruroaren erabileren artean hauek azpimarra daitezke.

  • Uraren izozte-puntua jaistea. Urarekin nahastean likidoaren izozte-puntua jaisten du eta izotza sortzea eragozten du. Izotzaren gainean botatzen denean urtzea eragiten du, Horregatik errepideetan bota izaten da. Kaltzio kloruroa, sodio kloruroa bezain kaltegarria ez da lurzoruarentzat eta landareentzat. Bestetik, izotza urtzeko sodiko kloruroa baino eraginkorragoa da tenperatura baxuetan; disoluzio kontzentraruek - 50 ºC-raino jaitsi dezakete[4].
  • Hezetasun-kentzailea. Hezetasuna kentzeko instalazioetan usatzen da hezetasun-kentzaile kimiko moduan[5].
  • Errepideen galtzadetan. Kaltzio kloruroaren izaera higroskopikoa eta bere hidratoen itsasgarritasuna profitatu egiten da errepideetako galtzaden hautsa barreiatzea ekiditeko. Izan ere, kaltzio klorurozko disoluzio kontzentratuak geruza likidoa eratzen du galtzadan, hautsa harrotzea eragozten duena[6].
  • Akuarioetan. Itsas-akuarioetan moluskuentzako kaltzio-iturri moduan erabiltzen da.
  • Elikagaietan. Kaltzio kloruroak Europar Batasunaren elikagai-gehigarrien zerrendan E509[7] E zenbakia du. Hainbat elikagaien prestakuntzak sendotzeko, egonkortzeko eta loditzeko erabiltzen da, esaterako, landare-kontserbetan, soja-esnean eta tofun. Edarietan ere erabiltzen da elektrolito moduan, adibidez, botilako uran eta edari isotonikoetan. Gazia izanik, sodio kloruroaren ordez erabiltzen da ozpinetako janarietan sodio-edukia beheratu nahi denean. Gaztagintzan ere baliatzen da, tratatutako esnetako kaltzioaren eta kaseinaren arteko oreka naturala berreskuratzeko.
  • Eraikuntzan. Hormigoia solidotzeko azkartze-agente moduan baliatzen.
  • Bestelakoak. Kirolarien lesioak sendatzeko erabiltzen diren plaketa-prestakinak eratzeko erabili izan da da kaltzio kloruroa[8].

PrestaketaAldatu

Kaltzio kloruro gehiena sodio karbonatoa sintetizatzeko Solvay prozesuaren albo-produktu moduan lortzen da.

Halaber, presta daiteke azido klorhidrikoa eta kaltzio karbonatoa erreakzionaraziz.

CaCO3(s) + 2 HCl(aq) → CaCl2(aq) + H2O(l) + CO2(g)

ErreferentziakAldatu

  1. (Ingelesez) Kemp, Robert; Keegan, Suzanne E.. (2000). «Calcium Chloride» Ullmann's Encyclopedia of Industrial Chemistry (American Cancer Society) doi:10.1002/14356007.a04_547. ISBN 978-3-527-30673-2. Noiz kontsultatua: 2021-01-07.
  2. «Sinjarite» www.mindat.org Noiz kontsultatua: 2021-01-07.
  3. «Antarcticite» www.mindat.org Noiz kontsultatua: 2021-01-07.
  4. (Ingelesez) «Phase diagrams for binary salt solutions» Phasediagram Noiz kontsultatua: 2021-01-07.
  5. (Gaztelaniaz) «Desecantes Cloruro de Calcio | Alta Capacidad de Absorción» Absortech Noiz kontsultatua: 2021-01-07.
  6. «Dust: Don't Eat It! Control It!» web.archive.org 2007-10-29 Noiz kontsultatua: 2021-01-07.
  7. «E509 - Chlorure de calcium» www.additifs-alimentaires.net Noiz kontsultatua: 2021-01-07.
  8. Orive Arroyo, Gorka; Anitua, Eduardo; Sanchez, Mikel & Andía,, Isabel. (2005). «Plaketetatik eratorritako sendagaia: aplikazio terapeutikoak» Zientzia.eus (Elhuyar) Noiz kontsultatua: 2021-01-07.

Kanpo estekakAldatu