Iñaki Aldekoa Azarloza
- Artikulu hau Zornotzako politikariari buruzkoa da; beste esanahietarako, ikus «Iñaki Aldekoa».
Iñaki Aldekoa Azarloza (Zornotza, Bizkaia, 1940a - 2021eko apirilaren 8a[1]) ezker abertzaleko politikaria izan zen. Herri Batasunako zein Aralar alderdiko politikaria izan zen. Ikasketaz ingeniari kimikoa zen.
| Iñaki Aldekoa Azarloza | |||
|---|---|---|---|
 (2011) | |||
1986ko uztailaren 8a - 1987ko uztailaren 7a Barrutia: Nafarroa Hautetsia: 1986ko Espainiako hauteskunde orokorrak | |||
| Bizitza | |||
| Jaiotza | Zornotza, 1940 | ||
| Herrialdea |  Bizkaia, Euskal Herria | ||
| Heriotza | 2021eko apirilaren 8a (80/81 urte) | ||
| Heriotza modua | berezko heriotza: linfoma | ||
| Hezkuntza | |||
| Hizkuntzak | gaztelania | ||
| Jarduerak | |||
| Jarduerak | politikaria eta kimika-ingeniaria | ||
| Sinesmenak eta ideologia | |||
| Alderdi politikoa | ETA Berri Euskal Sozialista Biltzarrea Herri Batasuna Aralar | ||
.svg){kind=small}
Ibilbidea
aldatuAldekoaren ibilbide politikoa EGIn hasi zen. Militantzia horrek Larrinagako kartzelara eraman zuen non urte bete egin zuen preso. Handik irtenda, ETA Berrin kidetu zen baino ez zuen luze egin bertan espainolistatzat jo baitzuen. Ondoren Movimiento Socialista de Euskadi (MSE) izeneko erakundean kidetu zen. MSE ELA sindikatuaren eszisio bat zen 1962an sortutakoa[2].
MSEk ESB alderdi politikoaren sortzaileetako bat izan zen 1975ean eta alderdi berriaren idazkari nagusi aukeratu zuten Aldekoa 1977an. ESB Herri Batasunaren (HB) sortzaileetako bat izan zen. 1978az gero HBren Mahai Nazionaleko kide izan zen 1990eko hamarkada hasi arte
Herri Batasunaren izenean Aldekoa nafar parlamentario aukeratu zuten 1979ko hauteskundeetan eta 1983an berrautatu zuten.1983tik 1985era preso sartu zuten, ETAri laguntzea egotzita.
1986an Espainiako Diputatuen Kongresuko kide aukeratu zuten Nafarroan eta bertako kide izan zen 1987. HBren politikari jarraiki ez zuen parte hartu Kongresuaren ohiko jardunean.
Espainiako Gobernua eta ETA Aljerren bakerako elkarrizketa-mahaian eseri zirenean (1986-1989), Erakundearen aholkularien taldean hartu zuen parte. Aljerreko elkarrizketen porrotak Ezker Abertzalearen estrategia politiko-militarraren gero eta kritikoagoa izatera bultzatu zuten eta horrek Mahai Nazionala 1992an uztera eraman zuten.
Lizarra-Garaziko prozesuaren bilakaera eta porrotak eraman zuten, Euskal Herritarrok-en Aralar ildo politikoan parte hartzera eta Aralar partidu politiko bihurtzeko prozesuan bultzatzaileetako bat izatera. Aldekoak honela zioen 2002n Euskaldunon Egunkariari emaniko elkarrizketa batean. «Historikoki borroka armatuak esanahi eta eduki bat izan badu ere, egun ez du zentzurik, eta ETAk borroka utzi behar luke»[3].
Aralarreko zuzendaritzako kide izan zen eta 2007-2011 legealdian Arabako Batzar Nagusietako batzarkidea.
Erreferentziak
aldatu- ↑ «Iñaki Aldekoa ezker abertzaleko diputatu eta preso ohia hil da» naiz: 2021-04-08 (Noiz kontsultatua: 2021-04-08).
- ↑ «Aldekoa Azarloza, Iñaki - Auñamendi Eusko Entziklopedia» aunamendi.eusko-ikaskuntza.eus (Noiz kontsultatua: 2021-04-11).
- ↑ Urain, Jon O.. «Ezkerreko subiranismoa «bokazio»» Berria (Noiz kontsultatua: 2021-04-11).
Kanpo estekak
aldatu
Datuak: Q9010277
