Huelvako probintzia
Huelva Espainiako probintzia bat da. Andaluziako autonomia erkidegoan kokatuta dago eta hango probintziarik mendebaldekoena da 2006. urtean, probintziak 492.174 biztanle zituen. Hiriburua Huelva hiria da.
| Huelva | |||
|---|---|---|---|
| Andaluzia | |||
| |||
| Administrazioa | |||
| Estatua |  Espainia | ||
| Erkidegoa | Andaluzia | ||
| Hiriburua | Huelva | ||
| ISO 3166-2 | ES-H | ||
| Espainiako Gorteak | |||
| Kongresuan | 5 / 350 | ||
| Senatuan | 4 / 260 | ||
| Geografia | |||
| 37°40′00″N 7°00′00″W / 37.666666666667°N 7°W | |||
 | |||
| Azalera | 10.148 km² Espainiaren % 2,01 | ||
| Demografia | |||
| Biztanleria | 507.915 biztanle (2008) Espainiaren % 1,1 | ||
| Dentsitatea | 49,79 bizt/km² | ||
| Herritarra | Huelvatar | ||
| www.diphuelva.es | |||
Geografia Aldatu
Muga hauek ditu: Badajozko probintzia, iparraldean; Sevillako probintzia, medebaldean; Cadizko probintzia, hego-mendebaldean, Ozeano Atlantikoa, hegoaldean, eta Portugal, ekialdean.
Udalerri nagusiak Aldatu
| 1 | Huelva | 148.806
|
28'98%
|
| 2 | Lepe | 25.886
|
5'04%
|
| 3 | Almonte | 21.782
|
4'24%
|
| 4 | Isla Cristina | 21.324
|
4'15%
|
| 5 | Ayamonte | 20.334
|
3'96%
|
| 6 | Moguer | 19.569
|
3'81%
|
| 7 | Aljaraque | 17.960
|
3'50%
|
| 8 | Cartaya | 17.905
|
3'49%
|
| 9 | Punta Umbría | 14.708
|
2'86%
|
| 10 | Bollullos Par del Condado | 13.891
|
2'71%
|
Historia Aldatu
Greziar eta erromatar autoreek aipatzen zuten Huelva hiria, Onuba izenaz, metal merkataritzako gune garrantzitsua baitzen. 713. urtean musulmanek hartu zuten hiria, eta Welba izena eman zioten. Kaliferria desegin zenean (1032), taifa erresuma bat eratu zen bertan, Saltes, Silves, Niebla eta Huelva bera biltzen zituena. Taifa erresuma hori, 1051n, Sevillako taifak bereganatu zuen. Alfontso X.ak Niebla hartu izanaren ondorioz (1261), Gaztelaren mendeko bihurtu zen Huelva. XVI. mendean, eta Amerika konkistatu berriarekiko merkataritzaren eraginez, ekonomia hazkuntza handia ezagutu zuen Huelvak.
Ondarea Aldatu
Hiriburuko San Pedro eliza mudejarra da, eta bertan zegoen mezkitaren aztarnak gorde ditu. Probintziako Arkeologia Museoak historiaurreko, erromatar eta, batez ere, musulman artearen aztarnak bildu ditu.
Ekonomia Aldatu
Ekonomia jarduera nagusiak hauek dira: lehorreko laborantza (laboreak, mahatsa, olibondoak, etab.); arrantza; abeltzaintza (ardiak, zerriak); meategiak (kobrea, Riotinto, La Zarra eta Tharsisen; manganesoa, Almonasteren); industria (petrokimika, La Rabida-n; arrain kontserbak; ardogintza; metalgintza; kimika). Hiriburuan arrantzarako eta meatze garraiorako portu garrantzitsua dago.
Pertsonaia ezagunak Aldatu
- Juan Ramon Jimenez (1881-1958), poeta.
Erreferentziak Aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak Aldatu
Datuak: Q95015
Multimedia: Province of Huelva
