Gasteizko Irakasleen Unibertsitate Eskola

Irakasleen Unibertsitate Eskola Arabako Gasteiz hiriburuan dagoen Euskal Herriko Unibertsitateko irakasle eskola bat da.

Irakasleen Unibertsitate Eskola
Eraikinaren irudia.
Kokapena
Herrialdea	Euskal Herria
Probintzia	Araba
Herria	Gasteiz
Koordenatuak	42°50′N 2°40′W

Kokalekua

Mendizorrotza auzoaren ipar-ekialdean dago, Juan Ibáñez de Sto. Domingo kalearen 1. zenbakian, Farmazia Fakultatea, Ingeniaritzako Unibertsitate Eskola eta San Jose Unibertsitate Egoitzaren artean, bai eta trenbidearen alboan eta Gasteizko geltokiarekin parez-pare ere.

Historia

1847an sortu Maisu-Maistren Eskola Arrunt (gaztelaniaz "Escuela Normal de Maestros") izenez sortu zen. Hasiera batean Errementari kalean egon zen eta Benigno Lacunza jauna izan zuen zuzendari. Beranduago, 1860ko hamarkadan goi mailako eskola bilakatu zen, kategoria hori ordura arte barrutiko buru ziren eskola arruntentzat bakarrik zegoen erreserbaturik. Urte horietan, Arabako Eskola Arrunta Araba, Bizkaia eta Gipuzkorako irakasleen ikastegi bakarra izan zen, Bizkaiko eta Gipuzkoakoen aurretik.

1850eko hamarkadaren eta 1870eko hamarkadaren arteko epean lortu zuen ospe handiena. Matrikula kopurua ikaragarri handitu, baliabide eta ekipamendu egoera hobetu eta eraikin berria eman zitzaion hiriaren goiko aldean, eta bertan iraun du ia mende batez gaur eguneko tokira eraman arte.

Etapa horretantxe ere sortu zen, 1856an, Maistren Eskola Arrunta izenekoa ("Escuela Normal de Maestras"), barrutiko lehenengoa eta bakarra, Valladolidekoa baino urte batzuk sortutakoa, eta legedi orokorrari ere aurre hartu ziona, 1881. urtera arte ez baitzen ikasketa plana arautu. Hasiera batean Errementari kalean instalatu zen, baina urte batzuk beranduago, 1864an, beste eraikin berri batera eraman zen.

Eskola Arrunta, lehen hezkuntzaz ez ezik etengabeko hezkuntzaz ere arduratu zen. Lehenengo urteetatik, 1863az geroztik, plan berezi bat presatu zuen titulurik gabeko maisu-maistrentzat, "Probintzietako Maisu-Maistrak" deitutakoen eskaerari erantzunez. Ikasketak antolatu zituen probintziako osatu gabeko eskoletan irakasten gaitzeko balio zuen berezko titulu bat lortzeko.

Graduak

• Haur Hezkuntzako Gradua
• Lehen Hezkuntzako Gradua
• Lehen Hezkuntzako Gradua (Hirueleduna)

Ikus gainera

• Donostiako Irakasleen Unibertsitate Eskola
• Jarduera Fisikoaren eta Kirolaren Zientzien Fakultatea (Gasteiz)
• Xabier Etxaniz
• Uri Ruiz Bikandi
• Ana Isabel Ugalde
• Patxi Salaberri

Kanpo estekak

Euskarazko Wikipedian bada atari bat, gai hau duena: Gasteiz

• Gasteizko Irakasleen Unibertsitate Eskola (Gaztelaniaz) (Ingelesez)

• Datuak: Q31187702