Galiziako Uharte Atlantikoetako parke nazionala
Galiziako Uharte Atlantikoetako parke nazionala (gaztelaniaz: Parque nacional de las Islas Atlánticas de Galicia; galizieraz: Parque Nacional das Illas Atlánticas de Galiza) Espainiako parke nazionala da, Vigoko itsasadarrean, Pontevedrako probintziaren barruan (Galiziako Autonomia Erkidegoa). Parke naturalak Cíes uharte guztiak (Ozeano Atlantikoan) hartzen ditu: Norte edo Monte Agudo uhartea, del Medio edo del Faro uhartea (aurrekoarekin harkaitzez lotua), del Sur edo de San Martín uhartea eta beste hainbat uharte txiki.
| Galiziako Uharte Atlantikoetako parke nazionala | |
|---|---|
 Gizateriaren Ondare | |
| II. maila: parke nazional | |
 | |
| Datu orokorrak | |
| Mota | Parke nazional, naturagune babestua eta Espainiako parke nazional |
| Azalera | 85 km² |
| Geografia | |
 | |
| Koordenatuak | 42°22′50″N 8°56′00″W / 42.3806°N 8.9333°W |
| Honen parte da | Network of National Parks of Spain (en)  |
| Estatu burujabe |  Espainia |
| Autonomia |  Galizia |
| Probintzia | Pontevedrako probintzia |
Morrazo penintsularen luzapen orografikoa eta litologikoa da parke natural hau. Ez da garaiera handiko lekua, gune garaienak, Alto de las Cíesek hain zuzen, 193 m-ko garaiera besterik ez du. Mendebalderantz kostaldea malkartsua da, ekialderantz, itsasadarrari begiratzen dion aldera alegia, hondartza leunak (Das Rodas, esate baterako) dira nagusi. Cíes Uharteeko parke naturala 1980an sortu zen eta Espainian den parke naturalik txikiena da (433 ha). Hala ere, edertasun handiko lekua da eta Vigotik hurbil dagoenez gero, bisitari ugari izaten ditu udan.
Cíes uhartedian Neolitoaz geroztik bizi dira gizakiak eta druiden garaiko arrasto arkeologikoak eta kastroen kulturaren garaikoak gorde dira. Lusitaniar talde batzuk bertan ezkutatu ziren, baina Julio Zesarrek suntsitu egin zituen. Erdi Aroan monasterio txiki bat egon zen bertan. Landareei dagokionez, ote zuriak, estrepak eta elorrin beltzak dira nagusi, eta horiez gainera, itsas pinuak, Monterreyko pinuak eta eukaliptoak aurki daitezke. Abereei dagokionez, hegaztiak dira nagusi, eta horien artean, zangak, artikoko aliota eta gabaia. Bestalde, Espainiako kaio hauskara eta ubarroi mottodun kolonia nagusiak egoten dira bertan. Horiez gainera, ugariak dira haitz usoak, martin arruntak, aztoreak, beleak eta sorbeltz arruntak.
Erreferentziak
aldatu- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2013-3-25 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
aldatu
Datuak: Q1628126
Multimedia: National Park of the Atlantic Islands / Q1628126
