Euskalzale

Euskalzale XIX. mendearen bukaeran egindako euskarazko astekari baten izena da, Bilboko Jardines kalean argitaratutakoa 1897ko urtarriletik 1899ko abendua arte. Osoki euskaraz idatzitako lehen aldizkaria izan zen.

Euskalzale
Mota	Astekaria
Fitxa teknikoa
Hizkuntza	Euskara
Argitaratze lekua	Bilbo
Historia
Zuzendaria	Resurreccion Maria Azkue
Erredaktoreak	Evaristo Bustintza "Kirikiño", Txomin Agirre, Felipe Arrese, Pedro Ignazio Barrutia, Biktoriano Iraola

Bizkaiera idatziaren lekuko ona da, bai eta orduko euskara garbiarena ere, lehenengo alearen azalean ederto azaldu zutenez: "Onetarako alik garbien da errazen agertuko dira euskerazko berbaak. 'Bentanea, sillea, pareta, confesinoia, primerako billetea, ferrocarrileko estazinoia, habitazinoiak, fondak , jardinak' eta euron antzeko berba guztiak oraindisek pilotuten asiko gara; ta iru urte barru, lenago ezpada, euron ordezko berba garbi ederrak zabaldu daizanean, su emongo iako erderada-pilo horreri".

Argitalpenaren zuzendaria Resurreccion Maria Azkue izan zen, eta bertan idatzi zutenen artean, besteak beste, Evaristo Bustintza "Kirikiño", Txomin Agirre, Felipe Arrese Beitia, Pedro Ignazio Barrutia eta Biktoriano Iraola ditugu.

Ikus, gainera

• Euskararen historia
• Euskal Pizkundea
• Eguna (egunkaria)
• Uskal-Herriko Gaseta

Kanpo estekak

• "Euskalzale" aldizkariaren ale guztiak Euskal Prentsaren Lanak webgunean irakurgai

• Datuak: Q12257619