Etxekoak (telesaila)

Etxekoak Pausoka Entertainment ekoiztetxeak eta EiTBk ekoitzitako umorezko telesaila da. ETB 1en emititu zen euskaraz. Jabi Elortegik zuzentzen du saioa, eta gidoilariak Xabier Zabaleta eta Kepa Errasti dira. Halaber, telesaileko abesti nagusia Iker Laurobak egin du.

Etxekoak (telesaila)
Jatorria
Izenburua	Etxekoak
Jatorrizko hizkuntza	euskara
Jatorrizko herrialdea	Euskal Herria
Sasoi kopurua	1
Atalak	8
Ezaugarriak
Genero artistikoa	komedia
Iraupena	50 minutu
Zuzendaritza eta gidoia
Zuzendaria(k)	Jabi Elortegi
Gidoigilea(k)	Kepa Errasti Xabi Zabaleta
Antzezlea(k)
Mikel Losada Olatz Ganboa Miren Arrieta Joseba Usabiaga Miren Gaztañaga Miren Gojenola Mikel Laskurain Iker Galartza Ylenia Baglietto Kandido Uranga
Ekoizpena
Konpainia ekoizlea	Pausoka Entertainment
Bestelako lanak
Musikagilea	Iker Lauroba
Emanaldia
Jatorrizko igorlea	ETB 1
Hasiera-data	2020ko apirilaren 8a
Argumentu nagusia	COVID-19 gaixotasunaren 2019-2020ko pandemia eta Berrogeialdia

Koronabirusaren pandemia iritsi zenean grabatu eta emititu zuten. Saioa egiteko, langile guztiak beraien etxeetatik aritu ziren konfinamenduan.

Euskal Telebistak lau atal erosi zituen eta lehenengo atala 2020ko apirilaren 8an estreinatu zen. Formatuak izandako datu onargarriak ikusita, beste lau atalekin luzatu zuten denboraldia (guztira 8 beraz). Lehenengo denboraldia asteazkenetan eman zuten, 22:30ean. Sasoi honetako azken lau atalek datu eskasak izan zituzten eta ondorioz bataz bestekoa %1,5ean geratu zen.

Hala ere fikzioak bigarren denboraldia izan zuen. Honi Etxekoak udan izena jarri zioten eta beste 8 atalek osatu zuten. Hau igandetan eman zuten 22:30ean. 2020ko uztailaren 19an estreinatu zen eta 2020ko irailaren 6an bukatu. Sasoi honek aurrekoak baino audientzia datu hobeak lortu zituen arren, ez zen Euskal Telebistaren aurreko telesailen mailara iritsi.

Sinopsia

Aitorrek (Mikel Losada) eta Nereak (Olatz Ganboa) 40 urte inguruko bikote bat osatzen dute. COVID-19 gaixotasun infekziosoak eragin duen pandemia dela-eta, etxean daude berrogeialdian bi seme-alaba txikiekin. Egunero, bideodeien bitartez, familia eta lagunekin elkarrizketak izaten ditu bikoteak.

Aktoreak eta pertsonaiak

• Mikel Losada - Aitor
• Olatz Ganboa - Nerea
• Miren Arrieta - Izaro
• Joseba Usabiaga - Unai
• Miren Gaztañaga - Eider
• Miren Gojenola - Arantxa
• Mikel Laskurain - Iñaki
• Iker Galartza - Oier
• Ylenia Baglietto - Maria
• Kandido Uranga - Xanti
• Egoitz Sanchez - Gorka (2. denboraldia)
• Ramon Agirre - Joxean (2. denboraldia)

Denboraldiak

Denboraldia		Atalak	Estreinaldia	Amaiera	Audientzia (bataz bestekoa)
					Ikusleak	Kuota
	Etxekoak	8	2020ko apirilaren 8a	2020ko maiatzaren 27a	-----	%1,5
	Etxekoak udan	8	2020ko uztailaren 19a	2020ko irailaren 6a		%1,9 (%5,1)
Guztira		16	2020ko apirilaren 8a	2020ko irailaren 6a		%1,7

Atalak eta audientziak

Etxekoak (1. denboraldia)

Atala	Izenburua	Emisio data	Audientzia
			Ikusleak	Kuota (eusk.)
1	1. atala	2020ko apirilaren 8a	22.000 ikusle	%2,5
2	2. atala	2020ko apirilaren 15a		%2,3 (%6,7)
3	3. atala	2020ko apirilaren 22a		%1,8 (%5,4)
4	4. atala	2020ko apirilaren 29a		%2,2 (%6,1)
5	5. atala	2020ko maiatzaren 6a	6.000 ikusle	%0,8 (%2,8)
6	6. atala	2020ko maiatzaren 13a		%1,1 (%3,5)
7	7. atala	2020ko maiatzaren 20a		%0,4 (%1,5)
8	8. atala	2020ko maiatzaren 27a		%0,9 (%2,5)

Etxekoak udan (2. denboraldia)

Atala	Izenburua	Emisio data	Audientzia
			Ikusleak	Kuota (eusk.)
1	1. atala	2020ko uztailaren 19a		%1,9 (%5,8)
2	2. atala	2020ko uztailaren 26a		%2,4 (%8,4)
3	3. atala	2020ko abuztuaren 2a		%2,1 (%6,3)
4	4. atala	2020ko abuztuaren 9a		%0,7 (%1,8)
5	5. atala	2020ko abuztuaren 16a		%2,9 (%7,7)
6	6. atala	2020ko abuztuaren 23a		%0,9 (%0,9)
7	7. atala	2020ko abuztuaren 30a		%2,5 (%6,3)
8	8. atala	2020ko irailaren 6a		%1,5 (%3,4)

Kanpo estekak

• Orrialde ofiziala