Miren Arrieta

Aktorea

Miren Arrieta Altolagirre (Donostia, Gipuzkoa, 1998ko martxoaren 17a) euskal aktore, dantzari eta abeslaria da, batez ere Goǃazen telesailaren 3 denboralditan egindako lanagatik ezaguna, Ane Miranda pertsonaiaren paperean. Madrilen interpretazioa ikasi du.

Miren Arrieta
Miren Arrieta 2017.jpg
Bizitza
Izen osoa Miren Arrieta Altolagirre
Jaiotza Donostia1998ko martxoaren 17a (22 urte)
Herrialdea  Gipuzkoa, Euskal Herria
Hezkuntza
Hizkuntzak euskara
gaztelania
ingelesa
frantsesa
Jarduerak
Jarduerak aktorea, abeslaria eta dantzaria
Lan nabarmenak Go!azen
Soinujolearen semea
Musika instrumentua ahotsa

BizitzaAldatu

Donostiako Alde Zaharrekoa da, Orixe ikastolan ikasitakoa, eta Nevadako Douglass High School-en ere ikasi zuen. 6 urte zituela euskal dantzetan hasi zen, eta gerora beste hainbat estilotan ere aritu da; hala nola ballet, jazz, funk, hip hop, garaikidea eta urbanoa. Dantzatzea oso gustuko du, eta gitarra jotzen ere badaki.[1][2]

Bere lehen aktore lana ETB 1-eko Goǃazen telesailean eskuratu zuen, casting-era aurkeztu ondoren. Ane Miranda pertsonaiaren papera egin du hiru denboralditan zehar. 2019ko otsailaren 15ean esan zion agur telesailari, bere Instagram kontuan argitaratutako mezu baten bidez, telesaileko beste protagonista askorekin batera.[3]

Euskal Telebistako beste zenbait saiotan ere parte hartu du, besteak beste Bagoǃaz, DantzanGoǃ eta gabon zahar gaueko gala berezietan. 2017an Tarde para el recreo film laburrean parte hartu zuen, eta zinean lehen papera 2018ko Soinujolearen semea filmean izan zuen.

Unibertsitate-ikasketak hasi zituenetik Madrilen bizi da ikasturtean zehar, interpretazioa ikasi du bertako Central de Cine-n eta Estudio Corazza para el Actor-en, eta egun Juan Carlos Erregea Unibertsitatean Marketing-a ikasten zein Work In Progress interpretazio-eskolan formatzen dabil.[4]

Euskaraldian Donostiako hamaikakoa osatu zuen, ahobizi gisa. Honen harira euskara bere ama hizkuntza izateaz gain bere identitatearen zati garrantzitsu bat ere badela adierazi zuen, eta euskarazko ekoizpenak bultzatzeko beharra azpimarratu zuen, txikiek hizkuntzarekin duten lotura mantentzeko.[5]

2019an bere lehen papera gauzatu zuen antzerkian, Utzi zure mezua seinalearen ondoren izeneko antzezlanean. Tanttaka Teatroaren eskutik, antzezlana Arantza Portablesen eleberrian oinarrituriko obra Fernando Bernuesek zuzendua da, eta Miren Arrietarekin batera Mireia Gabilondo, Oihana Maritorena eta Leire Ruiz dira protagonistak.[6]

Pausoka eta ETBren Ihesaldia telesail laburreko protagonistetako bat izan zen, Mertxeren paperean.[7] Netflix plataformaren Las chicas del cable telesailaren bosgarren denboraldian parte hartu du.[8]

FilmografiaAldatu

FilmakAldatu

Urtea Izenburua Papera Oharrak
2017 Tarde para el recreo Film laburra
2019 Soinujolearen semea Teresa Gabirondo Sekundarioa

TelebistaAldatu

Urtea Izenburua Papera Katea Oharrak
2016-2020 Goǃazen Ane Miranda ETB 1 Pertsonaia nagusia (2016-2019, 36 atal)
  • Goǃazen 3.0 (2016-2017, 10 atal)
  • Goǃazen 4.0 (2017-2018, 13 atal)
  • Goǃazen 5.0 (2018-2019, 13 atal)

Gonbidatua (2020, 5 atal)

  • Goǃazen etxean (2010, 5 atal)
2017-2019 Bagoǃaz Coach gonbidatua ETB 1 6 atal
2017 Burubero fest Gonbidatu berezia ETB 1 Atal 1 (2017/06/21)
2017
2019-2020
Gure kasa Ane Miranda / Gonbidatua
Gonbidatua
ETB 1 3 atal
2018 Goǃazen 2018 Bere burua ETB 1 Gabon zahar gaueko saio berezia
2018 DantzanGoǃ Coach ETB 1 8 atal
2019 Goǃazen 2019 Bere burua ETB 1 Gabon zahar gaueko saio berezia
2019-2020 Egunak egin du Kolaboratzailea ETB 1 2 atal
2019 Ihesaldia Mertxe Rojas ETB 1 Telesail laburra (5 atal)
2020 Las chicas del cable Martina Netflix 3 atal
2020 Etxekoak eta
Etxekoak Udan
Izaro ETB 1 8 atal

AntzerkiaAldatu

  • Utzi zure mezua seinalearen ondoren (Deje su mensaje después de la señal). Tanttaka Teatroa. Zuzendariaː Fernando Bernués.

Bideo musikalakAldatu

ErreferentziakAldatu

  1. (Gaztelaniaz) «Miren Arrieta - Actriz - Cine - Televisión - Teatro - Gosua» Gosua Management . Noiz kontsultatua: 2019-01-13.
  2. (Ingelesez) «Miren Arrieta Altolagirre» www.facebook.com . Noiz kontsultatua: 2019-01-13.
  3. Arrieta, Miren. (2019-02-15). «"Atzo Hendaiara jun ginen azken kapituloa ikustera. Ta negar pixkat egin genun .. negar egin genun oso eskertuta gaudelako. Eskerrik asko gugan konfiatu dezuten guztioi, eskerrik asko 3 urte hauetan ostiralen zain egon zeratenoi. Eta gaur 9tan, ez galdu azken kapituloa, hau dena zuengatik eta zuentzako egiten baitugu❤️ ESKERRIK ASKO😊"» Instagram . Noiz kontsultatua: 2019-02-16.
  4. (Gaztelaniaz) «Miren Arrieta en la serie "Go!azen 3.0" de ETB» Work in Progress - Escuela de arte dramático en Madrid 2017-11-03 . Noiz kontsultatua: 2019-01-13.
  5. Agirre, Iñaki. (2018). «"Inoiz baino gehiago bultzatu behar dira euskarazko ekoizpenak"» Irutxuloko Hitza . Noiz kontsultatua: 2019-01-13.
  6. (Gaztelaniaz) Kultura, Donostia. «Utzi zure mezua seinalearen ondoren, Tanttaka Teatroa» www.donostiakultura.eus . Noiz kontsultatua: 2019-11-28.
  7. «ETB 'Ihesaldia' telesaila prestatzen ari da» Euskal Irrati Telebista 2019-11-06 . Noiz kontsultatua: 2019-11-28.
  8. (Gaztelaniaz) Herrera, Por Nuria. (2020-01-31). «La Guerra Civil sacude a 'Las chicas del cable' en el tráiler de la quinta temporada» Diez Minutos . Noiz kontsultatua: 2020-02-04.