Ega

Ega
Ega
Datu orokorrak
Garaiera	290 m
Mota	ibai
Luzera	113 km
Geografia
Koordenatuak	42°36′48″N 2°37′27″W / 42.6132°N 2.6243°W
Estatu burujabe	Espainia
Autonomia	Euskal Autonomia Erkidegoa
Hidrografia
Ibaiadarrak	ikusi Izki (erreka);
Arroaren azalera	1.497 km²
Arro hidrografikoa	Ebroren arro hidrografikoa
Bokalea; ()	Ebro

Artikulu hau Nafarroako ibaiari buruzkoa da; beste esanahietarako, ikus «Ega (argipena)».

Ega^[1] Arabako hegoaldean jaiota ia ibilbide osoa Nafarroa Garaiko hego-mendebaldean egiten duen ibai bat da, Ebroren adarra. 113 kilometro luze da, eta 1.461 kilometro koadroko arroa drainatzen du.^[2]

Geografia

Toloñoko mendietatik datorren erreka batek eta Iturrietako mendietatik (Entziaren hegoaldean) jaisten den beste batek eratzen dute. Sartalde-sortalde norabidean doa Lizarraraino. Hegoaldera abiatzen da ondoren eta Lerindik igaro eta gero, San Adrianen Ebro ibaira isurtzen da.^[3]

Ega ibaiak Mendatza, Kanpanarea eta Zamarka erreken ura jasotzen du eskuinaldetik; Urederra eta Irantzu ibaiena ezkerraldetik. Kanpezu, Antzin, Legaria, Murieta, Zubielki, Arbeitza, Lizarra, Iratxe, Lerin, Carcar, Andosilla eta San Adrian herrietatik igarotzen da. Ebro ibaiak Nafarroatik jasotzen dituen hiru adar nagusietatik urriena da.^[4]

Ibaiadarrak

Egaren ibaiadarrak hauek dira: Izki, Istora, Galbarra, Ubaria, Sardegi, Zelaieta, Urederra eta Irantzu.

Hidrometria

Ega ibaiaren emaria Andosillan neurtu zen 1912-2010 bitartean.^[5] Ibaiak 1.445 kilometro koadroko eremua drainatua du gune horretan, arro osoaren % 99. Urteko batez besteko emaria segundoko 13,6 m³ da. Emari handiena otsailean du (25,7 m³/s), eta txikiena abuztuan (2,8 m³/s).

Ega ibaiaren batez besteko emariak (m³/s), Andosillan neurtuak
Datuak: 1912 eta 2010 artean