Cypriniformes

Osteiktieen klaseko zenbait arrainez esaten da. Lehen ornoek dituzten luzakin batzuek hezurrezko kate bikoitza osatzen dute; gas-puxika eta barne-belarria lotzen ditu, eta ukimen-kinadak garraiatzeko balio du.

Cipriniformes, teleosteoen infraklaseko ordena.

Cypriniformes
Paleozeno-Gaur egun

Sailkapen zientifikoa
ErreinuaAnimalia
AzpierreinuaEumetazoa
FilumaChordata
KlaseaActinopteri
Ordena Cypriniformes
Bleeker, 1859
Azpibanaketa

Ordena honetan, 5-6 familia, 320tik gora genero eta 3.250 espezie baino gehiago sartzen dira, besteak beste, karpak, ezkailuak eta mazkarrak.

Ordena honetako espezieen bereizgarri batzuk hauek dira: bizkar-hegal sinple bat dute, eta ez dute hortzik ahoan; hortzen ordez, faringe-hortz deritzen egitura batzuk dituzte eztarrian.

Ur gezetan bizi dira nagusiki, baina bada itsasoan bizi den espezie bat bederen —Tribolodon brandtii—. Asiaren hego-ekialdean dago ordena honetako dibertsitate handiena, baina ez dago bat ere ez Australian ez eta Hego Amerikan ere.

Cyprinidae familia —karpak eta ezkailuak— da nagusi ordena honetan; izan ere, ordena honetako dibertsitatearen bi heren osatzen dute. Balitoridae eta Gyrinocheilidae familiako espezieak Asiaren lurralde tropikal eta subtropikaletako ur gezetan bizi dira, eta algak eta ornogabe txikiak jaten dituzte. Catostomidae bentosadun familiako espezieak Ipar Amerikan eta Asiaren ekialdean bizi dira, eta karpen antza dute bai itxurari bai ekologiari dagokienez. Cobitidae familiakoak, berriz, ohikoak dira Eurasian eta Afrikaren iparraldeko zenbait lekutan.

Ordena garrantzitsua da gizakiarentzat, bi arrazoi nagusi hauengatik: batetik, elikagai inportantea da herrialde batzuetan, Europan eta Asian, batez ere; bestetik, akuario-arrain zabaldua da, eta espezie batzuk dituzten kolore biziengatik hazten dituzte.

Sailkapenari buruzko xehetasunak:

Banaketa aldatu

Erreferentziak aldatu

  1. a b c d e f Kottelat, M.. (2012). «Conspectus cobitidum: an inventory of the loaches of the world (Teleostei: Cypriniformes: Cobitoidei)» The Raffles Bulletin of Zoology (26): 1-199..

Kanpo estekak aldatu