Wikipedia

Bill Callahan (musikaria)

Bill Callahan, jaiotze izenez William Rahr Callahan (1966ko ekainaren 3a, Silver Spring, Maryland, AEB) estatubatuar kantautore eta gitarrajole bat da, (Smog) ("(Kea)") izenez ere diskoak grabatu dituelarik. Rock alternatibotik sortu zen Lo-fi musika estiloaren aitzindarietako bat izan da. Bere etxean casette zintak grabatzen hasi zen eta Drag City zigiluarekin fitxatzea lortu zuen.

Bill Callahan (musikaria)

Bizitza
JaiotzaSilver Spring (Maryland), 1966ko ekainaren 3a (57 urte)
Herrialdea Ameriketako Estatu Batuak
Familia
Bikotekidea(k)
Jarduerak
Jarduerakgitarra-jotzailea, abeslaria, egile abeslaria eta musikaria
Genero artistikoalo-fi music (en) Itzuli
alternative country (en) Itzuli
Musika instrumentuagitarra
ahotsa
DiskoetxeaDrag City (en) Itzuli
dragcity.com…
IMDB: nm0130173 Facebook: bathyspheral MySpace: whaleheart Spotify: 7gqsi6aBSkRMJoL9psKqMr iTunes: 1965909 Last fm: Smog Musicbrainz: c309d914-93af-4b3f-8058-d79c75ea89da Songkick: 399094 Discogs: 56147 Allmusic: mn0000031606 Deezer: 17327 Edit the value on Wikidata

Hasierak aldatu

Bill Callahanek 1980ko hamarkadaren amaieran ekin zion musikari, artean oso modu esperimental eta jostalarian. Magnetofono batean grabatutako kasetekin urratu zituen lehenengo bideak Smog izenarekin, eta Sewn to the Sky (1990) lehenengo diskoa ere zinta haien jarraipen naturala izan zen. Apenas arrasto melodikorik gabe eta gaizki grabatua, lo-fi deituko zen ildoaren disko erreferentziala bilakatuko zen denborarekin, nahiz eta bere garaian oharkabean pasatu zen[1].

Callahan esperimentuan oinarritu zen eta tresna eta ekipo zaharkituak erabili zituen. Ez zen benetako aukera estetikoa izan, grabazio estudioen lan egiteko eraren ezagutza falta baizik. Horretaz gain, soinu ingeniari bati lanaren kontrola ematea ere ez zuen gustuko, baina haiekin kontatu behar eta, estudio eta ekoizleei zien beldurrari aurre egin eta gero, 2 album grabatu zituen eragin handia zuen Jim O'Rourke ekoizlearekin:

Drag City zigiluarekin zerikusia zuten hainbat musikok hartu zuen parte lan horietan eta baita Neil Hagerty musikariak ere.

Gero, 2000n atera zen Dongs of Sevotion diskoaren ondoren, berriro itzuli zen grabazio estilo eta arreglo musikal xumeagotara eta horren adibide dira Rain on Lens, Supper eta A River Ain't Too Much to Love. Azken album hau, Joanna Newsom estatubatuar kantautorearekin -egungo bikotekidea duena- elkarlanean egin zuen.

Estruktura musikala aldatu

Abestiak estruktura sinple eta errepikatzaileetan oinarritzen dira eta Callahanen ahots baritonoa dute ezaugarri nagusi. Letrak bilaketa espirituala eta emozioen konplexutasuna du hizpide eta, maiz, ironia eta umore beltza txertatu ohi du.

Hitz xumeak esanahi sakoneko istorioak kontatu ahal izateko. Gaiak, berriz, asko dira: harremanak, bidaiak, zaldiak, nerabeak... eta, azken aldian, politika.

Kritiko batzuen iritziz, Callahanen musika depresiboa eta introspektiboa da. Beste batzuek, aldiz, depresioaren itxura ematen badu ere, umore beltza azpimarratzen dute, ironiaz betetako hitzek elikatzen duten konfusioa.

Callahan amerikar rockaren irudi garrantzitsu bilakatu zen 1990eko hamarkadan. Gaur egun, Austinen bizi da, Texasen, eta Woke on a Whaleheart grabatu zuen han, bere izen propioa erabiliz -eta ez Smog ezizena- egin zuen lehena.

2006an eta 2009an eginiko lanetan ere bere benetako izena erabili zuen.

Diskografia aldatu

 
Bill Callahan 2007an

Kasetak aldatu

  • 1988 - Macramé Gunplay
  • 1989 - Cow
  • 1990 - A Table Setting
  • 1990 - Tired Tape Machine

Diskoak aldatu

  • 1990 - Sewn to the Sky
  • 1992 - Forgotten Foundation
  • 1993 - Julius Caesar
  • 1995 - Wild Love
  • 1996 - The Doctor Came at Dawn
  • 1997 - Red Apple Falls
  • 1999 - Knock Knock
  • 2000 - Dongs of Sevotion
  • 2001 - Rain on Lens [(Smog) gisa]
  • 2003 - Supper [(Smog) gisa]
  • 2005 - A River Ain't Too Much to Love
  • 2007 - Woke on a Whaleheart (Bill Callahan gisa)
  • 2009 - Sometimes I Wish We Were An Eagle (Bill Callahan gisa)
  • 2011 - Apocalypse (Bill Callahan gisa)
  • 2013 – Dream River (Bill Callahan gisa)

Bildumak aldatu

  • 2002 - Accumulation: None (Bitxikeriak. Smog gisa)

EP aldatu

  • 1991 - Floating
  • 1994 - Burning Kingdom
  • 1996 - Kicking a Couple Around
  • 2000 - The Manta Rays of Time
  • 2000 - 'Neath the Puke Tree

Singleak aldatu

Kanpo loturak aldatu

Wikimedia Commonsen badira fitxategi gehiago, gai hau dutenak: Bill Callahan (musikaria)  

Erreferentziak aldatu

  1. ↑ https://web.archive.org/web/20150109234423/http://www.berria.eus/paperekoa/1622/034/001/2014-02-25/barne_joerari_segika.htm
"https://eu.wikipedia.org/w/index.php?title=Bill_Callahan_(musikaria)&oldid=9667575"(e)tik eskuratuta