Jean-Claude Duvalier
Jean-Claude Duvalier (Port-au-Prince, 1951ko uztailaren 3a - Port-au-Prince, 2014ko urriaren 4a), izengoitia Baby Doc, haitiar politikaria izan zen. Haitiko presidente eta diktadorea izan zen 1971-1986 bitartean.
| Jean-Claude Duvalier | |||
|---|---|---|---|
.jpg) (2011) | |||
1971ko apirilaren 22a - 1986ko otsailaren 7a ← François Duvalier - Henri Namphy → | |||
| Bizitza | |||
| Jaiotza | Port-au-Prince, 1951ko uztailaren 3a | ||
| Herrialdea |  Haiti | ||
| Heriotza | Port-au-Prince, 2014ko urriaren 4a (63 urte) | ||
| Heriotza modua | berezko heriotza: bihotz-gutxiegitasuna | ||
| Familia | |||
| Aita | François Duvalier | ||
| Ama | Simone Duvalier | ||
| Ezkontidea(k) | Michèle Bennett (1980 - 1990) | ||
| Hezkuntza | |||
| Heziketa | Haitiko Estatu Unibertsitatea Institution Saint-Louis de Gonzague (en)  | ||
| Hizkuntzak | frantsesa | ||
| Jarduerak | |||
| Jarduerak | politikaria | ||
| Sinesmenak eta ideologia | |||
| Erlijioa | katolizismoa | ||
| Alderdi politikoa | National Unity Party (en) | ||
   | |||
Bizitza aldatu
François Duvalierren seme bakarra izan zen. Zuzenbide-ikasketak egin zituen Haitiko Unibertsitatean. Hemeretzi urte zituela, François Duvalierrek, “Papá Doc” deituak, bere ondorengo izendatu zuen. Hala, aita hil zenean, 1971ko apirilean, errepublikako lehendakaritza eskuratu zuen. Aitaren politika zorrotza izan bazen, Jean-Claude Duvalierrek nolabaiteko liberalizazioa saiatu zuen, teorikoa praktikoa baino gehiago eta Konstituzio berria onartu zuen. Legebiltzarrerako hauteskundeak deitu zituen 1984rako, baina ez zuen oposiziorik izan, hauteskundeak baino lehen Demokrazia Kristauko buruzagi nagusi Sylvio Claude espetxeratzeko agindu baitzuen, eta alderdiari hauteskundeetan parte hartzea debekatu baitzion. Hauteskundeak irabazi ondoko agintaldian zenbait atentatu pairatu zituen; 1981ean zauritu egin zuten. 1982an hura agintetik kentzeko saioa egin zen erbesteratu talde batek, Bernard Sansaricoren gidaritzapean, baina huts egin zuen.
1986ko hasieran, Haitiko barne-egoera gorabeheratsua larritu egin zen, eta urte hartako otsailaren 7an herrialdea uztera behartu zuten. Estatu Batuek, Suitzak, Greziak eta Espainiak, besteak beste, babes politikoa ukatu zioten, eta Frantziak baizik ez zuen onartu, Haitiko egoerak okerrera egin ez zezan. Denboraldi bat hotel batean egin ondoren, Proventzako herri batean jarri zen bizitzen, etxean atxilotuta.
1987ko maiatzaren 7an, Grasse hiriko auzitegian epaitu zuten, Port-au-Princeko gobernuak eta Haitiko lau enpresa nazionalek hala eskatuta, Haitiko herri diruetako 120 milioi dolar bere probetxurako erabili izanagatik. Mougins hirian (Frantzian) segurtasun neurri handiz inguratuta bizi zen 2011a arte, eta 2011ean, ezustean, itzuli zen Haitira.
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Wikimedia Commonsen badira fitxategi gehiago, gai hau dutenak: Jean-Claude Duvalier  |
Datuak: Q310775
Multimedia: Jean-Claude Duvalier / Q310775
