Clare konderria

Clare konderria (gaeleraz Contae an Chláir) Irlandako hego-mendebaldean dago kokatuta, Munsterreko probintzian. 3.147 km2-ko azalera dauka eta 117.196 biztanle zituen 2011an. Ennis/Inis dauka hiriburu eta hiri nagusia.

Clare konderria
IrelandClare.png
Geografia
Hiriburua	Ennis 52°50′47″N 8°58′51″W
Azalera	3.147
Mugakideak	Limerickeko konderria, Tipperaryko konderria eta Galwayko konderria
Administrazioa
Legebiltzarra	legislative body of Clare County Council (en)
Demografia
Biztanleria	117.096 (2011)
Dentsitatea	33,94 bizt/km²
Bestelako informazioa
Ordu eremua	ikusi UTC±00:00
clare.ie

Geografia

Natura

Urez inguraturik dagoela esan daiteke, izan ere iparraldean Galway badia baitu, ekialdean Derg aintzira, hegoaldean Shannon ibaiaren estuarioa eta mendebaldean Ozeano Atlantikoa.

Geologikoki aipagarriena The Burren eremu karstikoa da. Ingurune harritsua eta lehorra da eta ondorioz fauna eta flora berezia ditu. Konderriko muinorik garaiena Moylussa (532 m) da.

Hiriak eta herriak

• Hiriak:
  • Ennis/Inis (25.360 biztanle), hiriburua
  • Shannon/Sionainn (9.673)
  • Kilrush/Cill Rois (5.388)
  • Kilkee/Cill Chaoi (1.024)
• Herriak:
  • Quin/Cuinche (1.615)
  • Newmarket-on-Fergus/Cora Chaitlín (1.542)
  • Ennistymon/Inis Diomáin (881)
  • Lisdoonvarna/Lios Dúin Bhearna (767)
  • Lahinch/An Leacht (600)
  • Ballyvaughan/Baile Uí Bheacháin (224)

Historia

Beren izenik ez badakigu ere, Neolito garaiko zibilizazio batek populatu zuen eremua. Clare, eta batez ere The Burren eskualdea Irlandako aberatsena da monumento megalitikotan. K.o. 100 urtearen bueltan Klaudio Ptolomeo geografoak Gangani leinua ezarri zuen bertan eta historialariek diotenez Iberiar penintsulako Kantabriekin harremana izan zezaketen.

Erdi Aroan Connacht Erresumaren parte izan zen harik eta X mendean Munsterrek eskuratu zuen arte. Honek Thomond izena eman zion eremuari, zeinak "Munster iparraldea" esan nahi duen, eta O'Brien leinuak agindu zuen bertan. Thomond Erresumak normandiarren eragin handirik gabe iraun zuen hainbat mendetan zehar baina Tudortarrek irlandako Erresumarekin anexionatu zuten 1543an.

Leku interesgarriak

• Moherreko Amildegiak
• The Burren:
  • Poulnabrone trikuharria
  • Aillwee leizea
• Doolin:
  • Doonagore gaztelua
• Ennis:
  • Dromoland gaztelua
  • Bunratty gaztelua
• O'Dea gaztelua
• Spanish Point
• Scattery uhartea, Kilrush hiritik 2 kilometro itsaso barnerantz.

Claretar ezagunak

• Teige MacDaire (1570-1652), poeta eta historialaria.
• William Mulready (1786-1863), margolaria.
• Harriet Smithson (1800-1854), aktoresa.
• Patrick John Hillery (1923-2008), politikaria.
• Edna O'Brien (1932- ), idazlea.
• Michael "Mick" Tubridy (1935-), The Chieftains folk taldeko musikaria.
• Joe Jacob (1939-), Fianna Fáil alderdiko politikaria.
• Joe McDermott (1940-), golflaria.
• Sharon Shannon (1968- ), musikaria.

Iruditegia

• 
  Moherreko Amildegiak.
• 
  The Burreneko paisaia.
• 
  Doolin.
• 
  Doonagore gaztelua (Doolinen).
• 
  Dromoland gaztelua (Ennisen).
• 
  Bunratty gaztelua (Ennisen).
• 
  O'Dea gaztelua.
• 
  Poulnabrone trikuharria.
• 
  Aillwee leizea.
• 
  Scattery uhartea.

Kanpo loturak

Wikimedia Commonsen badira fitxategi gehiago, gai hau dutenak: Clare konderria

• Clareko webgune ofiziala