Ireki menu nagusia

BiografiaAldatu

1728 urtean Ústí nad Labemen jaioa, Bohemian. Ismael Mengsen semea, Dresdenen bizitako Danimarkako margolaria bera. 1741 urtean aita eta semea Dresden utzi eta elkarrekin Erromara joan ziren.

1749. urtean Frederiko Augustok, Saxoniako hauteslea, margolari nagusi izendatu zuen baina  Ismael Erroman aritzen zen gehienbat eta bertan Margarita Guazzirekin ezkondu zen. 1754 urtean katolizismora bihurtu eta Vatikanoko margo eskolako zuzendari izendatu zuten. Villa Albanin egindako Parnassus deritzon freskoak ospe handia eman zion.

1749 urtean Northumberlandeko dukeak agindu hau eman zion: Rafaelen Atenasko Eskola freskoaren kopia bat, olioz mihise gainean egiteko, berak zuen Londresko etxean jartzeko. Hala bada, 1752 urtetik 1755 urte bitartean, jatorrizko neurrian margotu zuen baina laukizuzen formatura egokituz eta hainbat figura gaineratuz. Egun, margolan hau Victoria and Albert Museoan[2]  dago ikusgai. Mengs 1779 urtean Erroman hil zen eta bertako Santi Michele e Magno elizan lurperatu zuten.

KarreraAldatu

Birritan Madrila bidaiatu zuen, Espainiako Karlos III.aren gonbidapena onartuz. Bertan bere lanik onenak egin zituen, besteak beste Madrilgo Errege Jauregiko sabaia,  Gloriaren Tenplua eta Trajanoren garaipena gaitzat duten margoak hain zuzen ere. Lan hau bukatuta, 1777an Erromara itzuli zen eta urte bat geroago egoera txarrean hil zen. 

Teoriko idazkiakAldatu

Gazteleraz, italieraz eta alemanez egindako idatzietan, Mengek arteari buruzko teoria eklektikoa adierazten du. Bere ustean, perfekzioa bideragarria da ondo antolatutako bikaintasunak batuta, hots, greziar diseinua, Rafaelen ezaugarriak, Correggioren argi-ilunak eta Tizianoren koloreak.

Aukeratutako lanakAldatu

  • Ascension (Dresden, Auzitegi Eliza), 1751/1766
  • St Joseph (Dresden, Auzitegi Eliza), 1751/1766
  • Saint Eusebio (sabaia fresko, Sant'Eusebio, Erroma), 1757 (olio-pintura mihise gainean, National Gallery, Kanadan, Ottawa)
  • Karlos III (Museo del Prado, Madril), 1761
  • Don Luis de Borbon (Cleveland Museum of Art, Cleveland, Ohio)

Ikus, gaineraAldatu

  • Karl Woermann, Ismael und Raphael Mengs (Leipzig, 1893)

OharrakAldatu