Ander Imaz Retegi
| Imaz | ||||
|---|---|---|---|---|
| Izen osoa: | Ander Imaz Retegi | |||
| Jaiotza data: | 1994ko abenduaren 30a (29 urte) | |||
| Jaioterria: | Oiartzun (Gipuzkoa) | |||
| Pilotaria | ||||
| Modalitatea: | esku huskako pilota | |||
| Egungo enpresa: | Asegarce | |||
| Postua: | atzelaria | |||
| Altuera: | 1,80 m | |||
| Pisua: | 76 kg | |||
| Debutatze data: | 2015eko abenduaren 20a | |||
| Debutatze pilotalekua: | Madalensoro (Oiartzun) | |||
Ander Imaz Retegi,[oh 1] pilota arloan Imaz deituraz ezaguna (Oiartzun, Gipuzkoa, 1994ko abenduaren 30a) esku huskako pilotari profesionala da. Atzelari jokatzen du. 2015eko abenduan bilakatu zen profesional, Asegarcerekin.[1] Jokoari dagokionez, pilotari langilea eta nekaezina da, eta oso ondo mugitzen da jokalekuan.
Asegarceko teknikariek aski izan zuten «hiruzpalau» probaldi egitearekin, Imazek profesionaletara igarotzea merezi zuela erabakitzeko. Hiru hilabete geroago, 2016ko martxoan, Binakako Txapelketa Nagusian sartu zuten, Jon Ander Albisuren ordezko; Iñaki Artola aurrelaria lagun zuela jokatutako partida hartan, ez zuen bere maila eman, hasiberriaren urduritasunak erasanda. 2016ko abenduaren erdialderaino 67 partida jokatu ondoren (urte hartan, pilotari gehienek baino askoz gehiago; enpresak gutxienez 45 partida jokatzeko kontratua egina zion),[2] 2016ko abenduan abiatutako Binakakoan ere ordezko ari da,[3] maila onarekin oraingoan.[4]
Kirol lorpenak aldatu
- 2023ko binakako txapeldurnordea, Unai Laso aurrelaria lagun
- 2022ko binakako txapeldurnordea, Unai Laso aurrelaria lagun
Binakako Txapelketa Nagusiko finalak aldatu
| Urtea | Txapeldunak | Txapeldunordeak | Tantoak | Pilotalekua |
|---|---|---|---|---|
| 2022 | Altuna III - Martija | Laso - Imaz | 22-20 | Bizkaia |
| 2023 | Elordi - Zabaleta | Laso - Imaz | 22-13 | Nafarroa Arena |
Amateurretan aldatu
- 2015: Biharko Izarrak (Mallabia), txapelduna
- 2014-2015: GRAVN, txapelduna
- 2012: Diario Vasco torneoa, txapelduna
Oharrak aldatu
- ↑ Abizena horrela idaztea, euskal herritar horren aukera pertsonala da. Izan ere, Euskaltzaindiak, euskara baturako, Imatz onartu du deitura horren grafiatzat. Ikus Euskal Onomastikaren Datutegia.
Erreferentziak aldatu
- ↑ Asegarce enpresako fitxa
- ↑ (Gaztelaniaz) Enrique Echavarren: «El mejor Olentzero para Ander Imaz», Diario Vasco, 2016-12-13.
- ↑ (Gaztelaniaz) I.G. Vico: «Ander Imaz, una vida profesional al galope», Noticias de Gipuzkoa, 2016-12-16.
- ↑ (Gaztelaniaz) Enrique Echavarren: «Remontada de Urrutikoetxea y Ander Imaz en Bilbao (18-22)», Diario Vasco, 2016-12-16.
Datuak: Q23907914
