Ana Elordi Aristondo

Ana Elordi Aristondo, (Ondarroa, Bizkaia, 1962ko urtarrilaren 10a) aktorea eta irakaslea da.

Ana Elordi Aristondo
Bizitza
Jaiotzako izen-deiturak	Ana Elordi Aristondo
Jaiotza	Ondarroa, 1962ko urtarrilaren 10a (62 urte)
Herrialdea	Bizkaia, Euskal Herria
Hezkuntza
Heziketa	Getxoko Antzerki Eskola Euskal Herriko Unibertsitatea
Hizkuntzak	euskara gaztelania
Jarduerak
Jarduerak	aktorea
Enplegatzailea(k)	Eusko Jaurlaritza

Bizitza

Gurasoak: Adelita Aristondo, sare konpontzailea eta Peli Elordi bajurako makinista. Semea, Txomin Ituarte Elordi.

Irakasle ikasketak Bilboko Irakasle Eskolan (EHU) egin zituen 1980-1983 artean. Aktore formakuntza Getxoko Antzerki Eskolan egin zuen 1984-86 urteetan. Bere formakuntza osotu zuen Bilbon, Muelle3 dantza akademian 1985-86 urteetan. Madrilen Nacho Akademian, eta William Layton Antzerki laborategian 1986-1989 bitarte. Gasteizen TAE Araban, 1985etik 2002ra arte. Horietan guztietan arlo hauek jorratu zituen: ahotsa eta gorputza Carmen Quiñonesekin; dantza  klasikoa eta garaikidea Bilboko Muelle3 dantza akademian; klown ikastaroak Virginia Imaz, Cesar Sarachu eta Jordi Jopsekin; eta horiez gain interpretazioa eta inprobisazioa.

Musika arloan, saxofoi erdi mailako ikasketak egin zituen Donostiako Francisco Escudero Kontserbatorioan, 1997-2000 urte bitartean.

Ibilbidea

Antzerkian, musikan, adierazpen dramatikoaren irakaskuntzan aritu zen, baita Haur Hezkuntzako irakasle gisa ere.

Antzerkia

Antzerkian hainbat euskal konpainiarekin lan egin zuen 1989tik 2015era, hala nola, Bekereke, Arteszena, Traspasos, Ados Teatroa Picor, Trapu zaharra, Txalo, Atea Teatroa. Ondarroako Txo antzerki kolektiboarekin hainbat ekitalditan parte hartu zuen, azaroaren 25eko ekitaldietan eta Kamiñazpiko jaietan, 2007tik 2024ra.Fede Badiola aktore eta irakaslearekin haurrentzako Maixa eta Manex pailazoak sortu eta hainbat ikuskizun plazaratu zituen 2003 eta 2015 urte bitarte.Ondarroako Beikozineko Kabaret ikuskizunetan parte hartu zuen 2016tik 2023ra.Traman&Brix antzerki taldearen zuzendaria izan zen Ondarroan, bere jaioterrian, 2007tik 2014ra arte.

Telebista

Telebistan, Elena Iruretak eta Aitzpea Goenagak zuzendutako Duplex telesailean parte hartu zuen aktore protagonista gisa, eta bigarren mailako aktore gisa, Jaun ta Jabe filmean (Eneko Olasagastik eta Carlos Zabalak zuzendua), Benta Berrin (Pausokak ekoitzia), Metropolisen (Kepa Gallegok zuzendua), Kilker Demaren (Agurtzane Intxaurragak zuzendua) eta Kazetariak (Begoña Alvarezek zuzendua), Wazemank eta Noaua umorezko telesaileetan, eta Zuek hor umorezko saioan. Horietan guztietan aritu zen 2005 eta 2015 bitarte.

Telesailak

• Hondar ahoak (2020)
• Finlandia (2012)
• Noaoa (2007-2008)
• Wazemank (2005-2007)
• Mi querido Klikowsky (2006)
• Lobos (2005)
• Hospital Central (2004-2009)
• Jaun ta Jabe (1995)
• Duplex (1993)
• Periodistas
• Kilker Dema
• Metrópolis
• Benta Berri
• Hor konpon tour
• Goraintzi

Zinema

Film hauetan parte hartu zuen:

• Kutsidazu bidea, Ixabel (2006)
• Sequritas Angelorum (1999)
• Anabasa eremua (1997)
• El último pliegue (1993)
• El ojo del fotógrafo (1993)

Antzerkia

• 100 metro karratu (2014)

Musika

Txatanuga Futz Band orkestran saxofoi jotzaile aritu zen, eta zuzeneko emanaldietan, eta disko-grabaketan parte hartu zuen, 1992 eta 1998 urte bitarte.

Irakaskuntza

Eskola publikoan Haur Hezkuntzako irakasle izan da, lehen etapan 1984 eta 1986 urte bitarte eta 2012an itzuli zen irakaskuntzara, 2024ra arte.

Bestetik, Ondarroako Gazte eta Helduen Antzerki tailerretan irakasle aritu zen 2002tik 2006ra. Eta saxofoi irakasle Ondarroako Unanue tar Pedro Mari udal Musika eskolan, 2003tik 2005era.

Kanpo estekak

• Datuak: Q12253410