Altzuza

Altzuza Eguesibarko kontzejua da. 2005eko urtarrilaren 1ean 279 biztanle zituen. Javier Saenz de Oizak diseinatutako Jorge Oteitzaren Oteiza Museoa herri honetan dago kokaturik.

Altzuza
Euskal Herria
Doneztebe eliza.
Kokapena
Herrialdea	Nafarroa
Udalerria	Eguesibar
Administrazioa
Posta kodea	31486
Geografia
Koordenatuak	42°50′20″N 1°33′57″W
Demografia
Biztanleria	253 (2020:  −18)

Kokapena

Altzuza Eguesibarraren mendebaldean. Kontzejuak honako mugakideak ditu: iparraldean Esteribargo udalerria, ekialdean Eguesgo kontzejua, mendebaldean Ollokiko kontzejua, eta hegoaldean NA-150 errepidea eta Gorraitzko kontzejua.

Historia

Herriaren lehen dokumentu idatzia 1105ekoa da, bertan Iruñeko katedraleko aterpea onuraduna den mahasti batzuen dohaintza agertzen da. 1268an ordaindutako hamarreko zerga liburuak erakusten duenez, Altzuza XIII. mendean Eguesibarko herririk populatuena zen. Egues kontzejuak baino bi bider biztanle gehiago zituen.

Dena den, ondorengo mendeetako krisialdi politiko eta gatazkek eragin latza izan zuten eta biztanleria galtzen hasi zen. 2000ko hamarkadan hainbat etxe berri eraiki dira antzinako herriaren inguruan.

Demografia

Altzuzako biztanleria

2000	2001	2002	2003	2004	2005	2006	2007
177	193	224	230	268	279	294	315

Ondarea

• Doneztebe eliza, XII. mendean eraikitako oinarri laukizuzeneko eliza da. Aurrealdea laua eta oinetan altxatutako prisma itxurako dorrea dauzka. Parrokia barruan XVII. mendearen bigarren erdiko erretaula nagusi barrokoa dago barruan.

• Oteiza museoa, Jorge Oteiza gipuzkoar eskultoreari buruzko museoa, 2005ean zabaldu zen eta Javier Saenz de Oiza arkitektoak diseinatu zuen.

• 
  Oteiza Museoa
• 
  Oteiza Museoa.

Azpiegitura eta garraioak

Condaren linea

Conda autobus konpainiaren Eguesibar eta Iruñea bitarteko lineak geltokia dauka herrian. Lineak honako ibilbidea egiten du:

• Sagaseta - Elkano - Ibiriku - Egues - Altzuza eta Iruñea

Ikus, gainera

• Iruñerria

Kanpo estekak

Euskarazko Wikipedian bada atari bat, gai hau duena: Nafarroa

• Eguesibargo udalaren webgunea.
• Altzuzako herri zaharrerako bidea Google Street View-n.

• Datuak: Q8196904
• Multimedia: Alzuza / Q8196904