Alexander Fleming

Alexander Fleming
	; (1943) Irudi gehiago
Rector of the University of Edinburgh (en)	;
Rector of the University of Edinburgh (en)
Bizitza
Jaiotza	Lochfield (en) , 1881eko abuztuaren 6a
Herrialdea	Erresuma Batua
Lehen hizkuntza	ingelesa
Heriotza	Londres, 1955eko martxoaren 11 (73 urte)
Hobiratze lekua	San Paulo katedrala
Heriotza modua	berezko heriotza: miokardio infartu akutua
Familia
Aita	Hugh Fleming
Ama	Grace Morton
Ezkontidea(k)	Sarah Marion McElroy (en) (1915 - 1949); Amalia Fleming (1953, 1953 - 1955eko martxoaren 11)
Seme-alabak	ikusi Robert Fleming (en) ;
Hezkuntza
Heziketa	Londresko Imperial College ; Imperial College School of Medicine (en) ; Kilmarnock Academy (en) ; University of Westminster (en) ; St Mary's Hospital Medical School (en)
Hizkuntzak	ingelesa
Jarduerak
Jarduerak	bakteriologoa, farmakologoa, medikua, zirujaua eta asmatzailea
Enplegatzailea(k)	Londresko Imperial College ; Londresko Unibertsitatea
Jasotako sariak	ikusi Medikuntzako Nobel Saria (1945) ; Knight Bachelor (1944) ; Actonian Prize (1949) ; Albert Medal (1946) ; Madrilgo Complutense Unibertsitateko honoris causa doktoregoa (1948) ; honorary doctorate of the University of Graz ; Honorary doctor of the University of Liège ; Royal Societyko kidea (1943) ; Honorary Fellow of the Royal Society of Edinburgh ; Fellow of the Royal College of Physicians of Edinburgh ; Fellow of the Royal College of Physicians of London ; Alfontso X.a Jakitunaren Ordenako Gurutze Handia (1948) ; Moxon Medal ; Cameron Prize of the University of Edinburgh ; Ohorezko Legioko komandantea (1946) ; Honorary Fellow of the Royal Society Te Apārangi ; John Scott Award (1944) ; doctor honoris causa from the University of Paris (1945) ; honorary doctor of the University of Bordeaux (1954) ;
Kidetza	Royal Society; Zientzien Pontifize-Akademia; Royal College of Physicians; Arteen eta Zientzien Herbehereetako Errege Akademia; Royal Academy of Medicine of Catalonia (en)
Zerbitzu militarra
Adar militarra	British Army during the World War I (en)
Parte hartutako gatazkak	Bigarren Mundu Gerra

Alexander Fleming (East Ayrshire, Eskozia, 1881eko abuztuaren 6a - London, 1955eko martxoaren 11) britainiar zientzialaria izan zen.^[1] Penizilinaren eta lisozimaren aurkitzailea izateagatik egin zen ezagun 1928an.^[2]. 1945ean Medikuntzako Nobel Saria eskuratu zuen.

Biografia

Alexander Fleming XIX. eta XX. mendeetako eskoziar zientzialaria izan zen (1881eko abuztuaren 6an jaio zen eta 1955eko martxoaren 11ean hil zen), batez ere penizilina eta lisozima propietate antibakteriarren aurkikuntzagatik ospetsu bihurtu zena. Darvel (Ayrshire) familia landa batean jaio zen, Eskoziako hego-mendebaldean dagoen herri txiki batean. 13 urterekin Londresera joan zen bere anaia Johnekin batera eta anaiordea bat, garai hartan medikuntza ikertzen ari zen bitartean. Londresko St.Mary's Schoolen egin zituen modu bikainean Medikuntza ikasketak. St.Mary ospitalean txertoen ekoizpen eta hobekuntzarako aritu zen lanean lehen mundu gerra hasi arte.^[3]

Omenaldia Fleming-i (Txillida)

Londresen, bere senideek eraginda eta beka bati esker, Flemingek Paddingtongo San Mameseko Ospitaleko Medikuntza ikasten hasi zen. Lehen Mundu Gerran mediku ibili zen, Frantzian. Bertan harrituta geratu zen infektatutako zauriek eragiten zituzten heriotza guztiekin. Hor hasi zen infekzioak ikertzen, soldaduen zauriak zirela-eta. Gerra amaitu ondoren St.Mary ospitalera itzuli zen infektatutako zauriek sortzen zuten agonia ekiditeko antiseptiko baten bila. 25 urterekin, bere ibilbidean amaitu baino lehen, Almroth Wrighteko immunologoen laborategian lanean hasi zen bakterioaren munduan. Une horretatik aurrera, bere bizitza osoan bakterioen infekzioen azterketari eskaini zion.

Aurkikuntzak

Flemingek burutu zituen bi aurkikuntzak 20. hamarkadakoak dira, eta ezustekoak izan baziren ere, mediku eskoziar honen behatzeko gaitasuna eta aparteko sena azpimarratzekoak direla esan daiteke.

Lehen aurkikuntza, lisozimarena, bere sudurreko muki bat doministiku baten ondoren Petri plaka batetara erortzean gertatu zen.^[4] Plaka horretan bakterioen hazkuntza bat zegoen, baina egun batzuk geroago bere sudurreko fluxua erori zen tokian bakterioen deuseztatzea eman zela konturatu zen.

Bigarren aurkikuntza 1928ko irailean izan zen. Garai hartan bakterio batzuekin (staphylococcus aureus) laborategian esperimentuak egiten ari zen. ^[5]Bere laborategiaren azpian penicillium notatumekin lan egiten zuen beste laborategi bat zegoen. Fleming oporretara joan zen bakterio kultiboak zituzten petri plakak jasotzea ahaztuta eta itzuli zenean onddo baten hazkuntza eman zela ikusi zuen bere plaketan. Onddo horren inguruan bakterioen hazkuntza inhibituta zegoen gainera. Penicillium notatum mikrobioen aurkako efektua duen substantzia bat ekoizten duen onddo bat da, hain zuzen ere, penizilina.

Flemingek 1929an British Journal of Experimental Pathology aldizkarian argitaratu zuen, penicillium notatum izeneko onddoarekin egindako azterketen ondoren, Penizilinaren aurkikuntza, Medikuntzaren historian mugarria izan dena.

Antibiotiko honek interes handia piztu zuen Bigarren Mundu gerran. Ernst Chain eta Howard Walter Florey kimikari estatu batuarrek penizilinaren purifikaziorako metodo bat garatu zuten bere sintesi eta banaketa komertziala ahalbideratu zituena.

1945ean Medikuntzako Nobel saria lortu zuen, Ernst Boris Chain eta Howard Walter Florey-rekin batera.

Alexander Fleming 1955ean hil zen bihotzeko baten ondorioz eta Londresko San Paulo Katedraleko kriptan ehortzi zuten heroi nazional gisa.

Bere penizilinaren aurkikuntzak medikuntza modernoarentzat aldaketa handia suposatu zuen eta harekin batera "antibiotikoen aroa" izenekoa hasi zen.

Erreferentziak

↑ «Biografia de Alexander Fleming» www.biografiasyvidas.com (Noiz kontsultatua: 2021-02-16).
↑ B Hugh, Thomas. Howard Florey, Alexander Fleming and the fairy tale of penicillin. The Medical Journal of Australia, 53 or. ISBN 12436980..
↑ «Alexander Fleming. Biografía» www.biografiasyvidas.com (Noiz kontsultatua: 2021-02-16).
↑ «LISOZIMA EN VADEMECUM» www.iqb.es (Noiz kontsultatua: 2021-02-16).
↑ «La historia de los antibióticos» HealthyChildren.org (Noiz kontsultatua: 2021-02-16).

Ikus, gainera

Kanpo estekak

Biografia Nobel Akademiaren webgunean

Datuak: Q37064
Multimedia: Alexander Fleming / Q37064

[1] «Biografia de Alexander Fleming» www.biografiasyvidas.com (Noiz kontsultatua: 2021-02-16).

[2] B Hugh, Thomas. Howard Florey, Alexander Fleming and the fairy tale of penicillin. The Medical Journal of Australia, 53 or. ISBN 12436980..

[3] «Alexander Fleming. Biografía» www.biografiasyvidas.com (Noiz kontsultatua: 2021-02-16).

[4] «LISOZIMA EN VADEMECUM» www.iqb.es (Noiz kontsultatua: 2021-02-16).

[5] «La historia de los antibióticos» HealthyChildren.org (Noiz kontsultatua: 2021-02-16).

[1]

[2]

[3]

[4]

[5]