Agrako gotorlekua

Agrako Gotorlekua, Lal Qila, Agrako Gotorleku gorria edo soilik Gotorleku Gorria ere deitua (ez da Delhiko Gotorleku Gorriarekin nahastu behar), Iamuna ibaiaren mendebaldeko ibarrean dago, Indiako Uttar Pradesh estatuko Agra hirian, Taj Mahaletik 2,5 kilometro iparmendebaldera. Gotorlekua, hareharri gorriz eraikia (honegatik datorkio izena), Akbar enperadore mogoldarraren erregealdian, 1565 eta 1573 bitartean, zehatzago defini daiteke harresituriko jauregi bezala, bere barnean, jauretxe eta jauregi multzo harrigarria duelarik, Akbarren konplexutasunetik bere biloba Shah Jahanen sinpletasunerainoko arkitektura estiloekin, eta Iamuna ibaiaren urez betetzen zen lubaki sakon batez inguratua.

Agrako gotorlekua
आगरा का क़िला
World Heritage Logo global.svg UNESCOren gizateriaren ondarea
Agra Fort Panaroma.jpg
Kokapena
Herrialdea India
Indiako estatuaUttar Pradesh
Division of IndiaAgra division (en) Itzuli
Indiako barrutiAgra district (en) Itzuli
HiriaAgra
Koordenatuak 27° 10′ 46″ N, 78° 01′ 17″ E / 27.179583°N,78.021297°E / 27.179583; 78.021297Koordenatuak: 27° 10′ 46″ N, 78° 01′ 17″ E / 27.179583°N,78.021297°E / 27.179583; 78.021297
Gizateriaren ondarea
Irizpidea (iii)
Erreferentzia 251
Eskualdea[I] Asia eta Ozeania
Izen-ematea 1984 (VIII. bilkura)
Webgune ofiziala
  1. UNESCOk egindako sailkapenaren arabera

Multzo harrigarri honetara, "Amar Singh gate" delako atetik sartzen da, behin barrura sartu ondoren, eskumatara, "Jahangiri Mahal" delakoa dagoelarik, Akbarren erregealditik datatua dagoen jauregi bakarra. Honen ondoan, "Khas Mahal"a dago, haitzurdin zurizko gela ederra, oso modu ederrean margotutako sabaiekin, Shah Jahanen arkitekturan ohikoa zena, eta bi urrezko pabilioi, Bengalako etxetxoen bereizgarria den teilatuarekin.

1983an, UNESCOk Gizateriaren Ondare izendatu zuen.

Hau da Indiako gotorlekurik garrantzitsuena. Mogoldar Inperioko mogoldar handiak izan ziren Babur, Humaiun, Akbar, Jahangir, Shah Jahan eta Aurangzeb hemen bizi izan ziren eta bertatik gobernatu zuten. Estatuko altxorra izan zuen. Enbaxadore atzerritarrek, bidaiariek eta Indiako historian parte hartu zuten agintari gorenek bisitatu zuten.



Kanpo estekakAldatu