1967ko Bertsolari Txapelketa Nagusia

1967ko Bertsolari Txapelketa Nagusia
	1967ko jendetza oholtzaren jiran.
Antolatzailea	Euskaltzaindia
Parte-hartzaileak	10 bertsolari
Finala	Anoeta pilotalekua; (1967ko ekainaren 11an)
Txapelduna	Manuel Olaizola "Uztapide"
Txapeldun ordea	Fernando Aire "Xalbador"

1967ko Bertsolari Txapelketa Nagusia 1967ko ekainaren 11an ospatu zen. Bertsolari Txapelketa Nagusiaren VI. edizioa izan zen eta Euskaltzaindiak antolatuzuen. Orduko 10 bertsolari onenek hartu zuten parte. Donostiako Anoeta pilotalekuan jokatu zen eta Manuel Olaizola "Uztapide"k irabazi zuen, bere hirugarren txapela izan zen.

Xalbador txapeldunordea izan zen arren, berak jasotako txistuak pasa dira historiara.

Pio Caro Barojak TVErentzat grabatu zuen finala. Film dokumental honek Fiesta. Bersolaris. Poetas populares vascos izenburua izan zuen.

Gai jartzaileaAldatu

Alfonso Irigoien

EpaileakAldatu

SailkapenaAldatu

Postua	Bertsolaria
Txapelduna	Manuel Olaizola "Uztapide"
2	Fernando Aire "Xalbador"
3	Jon Lopategi
4	Joxe Migel Iztueta "Lazkao Txiki"
5	Jose Luis Gorrotxategi
6	Migel Arozamena
7	Txomin Garmendia
8	Mattin Treku "Mattin"
9	Jon Mugartegi
10	Bautista Madariaga

TxistuakAldatu

Bertsolaritzako pasarterik ezagunenetakoa eta zalantzarik gabe tamalgarriena gertatu zen. Arratsaldeko saiora Uztapide, Xalbador, Lopategi eta Lazkao Txiki sailkatu ziren eta epaileek buruz burukorako Uztapide eta Xalbadorren izenak eman zituztenean ikusleak haserretueta bost minutu eta erdiz txistuka arituz Xalbador sailkatu izanagatik protesta egin zuten.

Iskanbila baretu zenean Xalbadorrek honako bertso hau bota zuen.

Anai-arrebak, ez, otoi, pentsa
neure gustora nagonik,
poz gehiago izango nuen
albotik beha egonik;
zuek ezpazerate kontentu
errua ez daukat, ez, nik:
txistuak jo dituzue bainan
maite zaituztet oraindik!

IruditegiaAldatu

Mikel Arozamena eta Txomin Garmendia lehen planoan.
Jon Lopategi, Mikel Arozamena eta Txomin Garmendia.
Mattin Treku.
Xalbador.

Kanpo estekakAldatu

Datuak: Q20492842