Zain (musika taldea)

Zain euskaraz kantatzen duen Berrizko musika taldea da. Taldea osatu eta urte batzuetara bere lehen diskoa 2010ean atera zuten.

Zain
Datuak
Jatorria	Berriz (Bizkaia)
Musika mota	Rock-punk-pop
Urteak	2005 - gaur egun
Produkzioa
Diskoetxea(k)	Baga-Biga
Taldekideak
Unai Uribe Alberto Sanchez Asier Cosme Joshua Froufe
Informazio gehigarria
Taldea Myspacen

Historia

Taldea 2005ean hasi zen kontzertuak ematen baina 2009 arte ez zuen inguru hurbiletik ateratzea lortu. 2010ean XIX. Gaztea maketa lehiaketara 10 abesti bidali zuten eta Aitzakiak kantarekin irabazi egin zuten; harrezkero berriztarrak Euskal Herri osoan ezagunago bihurtu dira.

Beraien estiloa rock-punk-popa da eta besteen artean Berri Txarrak euskaldunen, Rise Against estatubatuarren eta Millencolin suediarren eragina dutela adierazi dute.

Kideak

Taldea lau kidek osatzen dute:

• Unai (ahotsa, gitarra).
• Alberto (baxua, ahotsak).
• Asier (gitarra, ahotsak).
• Froufe (bateria, ahotsak).

Diskografia

• XXI. mendeko piratak (Baga-Biga, 2010eko azaroa). Lorentzo Records estudioan grabatua eta Durangoko Azokaren harira Plateruenean aurkeztua. Lehen singlea Umea izan nahi dut kantarena izan zen.
• Egunsenti Berri Baten Bila (Baga-Biga, 2013).
• Homoaskeak (autoekoizpena, 2017).

Sariak

• Gaztea maketa lehiaketa: 2010

Ikus, gainera

• Berri Txarrak

Kanpo estekak

• Taldea Myspacen.

• Datuak: Q12269165