Uzturre (mendia)

Uzturre
Uzturre
Datu orokorrak
Garaiera	730 m
Mota	mendia
Geografia
Koordenatuak	43°09′19″N 2°02′46″W / 43.1553°N 2.0461°W
Mendikatea	Uzturre-Ipuliñoko mendilerroa
Herrialdea	Euskal Herria
Probintzia	Gipuzkoa
Mendizaletasuna
Ohiko bidea	Tolosatik
Mendikat	Mendikat

Artikulu hau Tolosako mendiari buruzkoa da; Uzturre ezizena zuen EAJ alderdiko buruzagi historikoari gaitzat duena beste hau da: «Jesus Insausti Urkirizar»

Uzturre mendia Gipuzkoan dago, Tolosaldean hain zuzen ere. Uzturrek 730 metroko garaiera du.

Uzturre mendia, igoeerako ibilbidean zehar nahiz gailurretik gozatu ahal daitekeen Tolosa udalerriaren paisaia ederrarengatik ospetsua da.

Ezaugarriak

Uzturre eta Ipuliño arteko mendilerroak Leitzaran harana iparraldean eta Zelai ibaiaren harana hegoaldean bereizten ditu^[1].

Gurutze zuri handia Tolosaren gainean badu ere ez da hori mendiaren tontorra, atzerago kokaturik baitago, gurutzetik bidexka bati jarraituz sasi eta zuhaitz artean^[2]. Dena dela haranaren ikuspegi ederrena gurutzea kokaturik dagoen puntuan dago, malda bertikalak Tolosaraino jeisten baitira^[1].

Igoera

Izaskungo baseliza da igotzeko abiapuntua (290 metro). Pista zabal batetik igotzen da gailurrera eta aldapa nahiko handia du.

Uzturre mendiko gailurretik ikus daitekeen ikuspegia.

Gertakaria

1928ko urtarrilaren 21ean Tolosan finkaturiko industriagizon norvegiar baten semea, Eduardo Enersen, Manuel Tolosarekin eta Fernando lasurtegirekin batera Uzturre igotzen saiatu ziren magal malkartsutik, esperientzia handirik gabe eta akipamendu egokirik gabe. 18 urteko norvegiarra 20 metrotako altueratik erori zen eta bertan hil zen^[1].