Jesus Insausti

Artikulu hau EAJ alderdiko buruzagi eta ekintzaile historikoari buruzkoa da; beste esanahietarako, ikus «Uzturre».

Jesus Insausti Urkirizar, izengoitiz Uzturre (Tolosa, Gipuzkoa, 1912ko otsailaren 11 – Arratzu, Bizkaia, 1993ko uztailaren 12a) gipuzkoar politikari eta idazlea izan zen. Ezizena, bere jaioterria den Tolosa udalerriaren alboan dagoen Uzturre mendiari zor dio.

Jesus Insausti
Bizitza
Jaiotza	Tolosa, 1912ko otsailaren 11
Herrialdea	Gipuzkoa, Euskal Herria
Heriotza	Arratzu, 1993ko uztailaren 12a (81 urte)
Hezkuntza
Hizkuntzak	gaztelania euskara
Jarduerak
Jarduerak	politikaria eta sindikalista
Zerbitzu militarra
Adar militarra	Eusko Gudarostea
Parte hartutako gatazkak	Espainiako Gerra Zibila
Sinesmenak eta ideologia
Alderdi politikoa	Eusko Alderdi Jeltzalea Eusko Langileen Alkartasuna

Biografia

EAJ alderdiko kide egin zen 1930. urtean, eta ELA sindikatukoa ondoren. El Día egunkariko kazetaria izan zen Tolosan. Eusko Jaurlaritzaren Aldizkari Ofizialeko itzultzailea izan zen gerra-garaian, eta Santoñan preso hartu zuten Eusko Gudarostearekin batera. 1941. urtean irten zen aske, baina berriro atxilotu zuten handik bost urtera frankismoaren aurkako informazio-sarean ziharduelako, eta heriotza-zigorra eman zioten.

1951. urtean ihes egin eta Frantzian eta Belgikan bizi izan zen luzaroan. 1980. urtean itzuli zen Euskal Herrira, eta Eusko Alderdi Jeltzaleko Euskadi Buru Batzarreko kide izendatu zuten. Aipatu erakundeko lehendakari hautatu zuten 1985. urtean, eta gero Sabino Arana Fundazioko lehendakaria (1989) izan zen.

Erreferentziak

• Datuak: Q890889