Urumea pilotalekua
Urumea pilotalekua Donostiako Ramon Maria Lili pasealekuan kokatutako pilotalekua izan zen. 1926ko uztailaren 17an inauguratu zen, eta lehenengo urteetan, 1935 arte, zesta-punta partidak egin ziren. Handik aurrera, erremontelariak aritu ziren bertan, Abrego I.a haien artean. 1940an berritu eta hurrengo urteko ekainaren 12an berriro inauguratu zuten[1], eta 1968 arte egon zen irekia. Honako neurriak zituen: luzera, 54,20 m; frontisaren zabalera, 12,45 m; kantxaren zabalera, 10,50 m. Jokalekuaren parean harmaila handia zuen, eta beste hiru solairu gehiago[2]. Denetara, 980 ikuslerendako tokia zuen.
Urumea pilotalekua | |
---|---|
Kokapena | |
Herrialdea | Euskal Herria |
Probintzia | Gipuzkoa |
Udalerria | Donostia |
Historia eta erabilera | |
Eraikuntza | 1926 |
Eraistea | 1969 |
Edukiera | 980 |
Pilotalekua 1969an eraitsi ostean, orubean Rafael Moneo, Javier Marquet, Xabier Unzurrunzaga eta Luis Zulaikak diseinatutako Urumea eraikina egin zen[3].
Erreferentziak aldatu
- ↑ Sada, Javier: Frontones donostiarras[Betiko hautsitako esteka] El Diario Vasco, kirolzerbitzua.net
- ↑ Donostiako frontoi zaharrak Ingeba.org
- ↑ Rafael Moneo: Donostia acoge tres obras fundamentales de mi carrera Diariovasco.com