Jorge Oteiza

Jorge Oteiza

Datu pertsonalak
Izen osoa	Jorge Oteiza Enbil
Jaio	1908ko urriaren 21a
	Endaia etxea, Orio Gipuzkoa (Euskal Herria)
Hil	2003ko apirilaren 9a
	Donostia, Gipuzkoa (Euskal Herria)
Sinadura

Bideo hau Ikusgela proiektuaren parte da. Bideoak dituzten artikulu guztiak ikus ditzakezu hemen klik eginez gero.

Ez Dok Amairu taldearen gaineko azalpen bideoa.

Jorge Oteiza Enbil (1908ko urriaren 21a, Endaia etxea, Orio, Gipuzkoa – 2003ko apirilaren 9a, Donostia, Gipuzkoa) euskal herritar eskultore eta arte-teorilaria izan zen. Eduardo Txillidarekin batera, XX. mendeko euskal herritar eskultorerik garrantzitsuena da.

XX. mendeko hainbat lan esanguratsu egin zituen, baita Euskal Herritik kanpo ere. Esperimentazioan sinisten zuen eta arteak gizartea aldatzeko gaitasuna duela esaten zuen.

Euskal Herriko hainbat pentsalari, artista eta arkitektorengan eragin handia izan du, "euskal arima" berreskuratzea izan baitzuen helburu. Bere lana espazioan oinarritu zuen, bolumenaren eta espazioaren arteko harremana pentsatuz. Horretarako, karratuak eta esferak erabili zituen. Haren lana konstruktibismotik abiatu zuen, baina gero minimalismoaren sortzaileetako bat bilakatu zen.

Oteiza Museoa

Denbora askoan EAEko agintari eta erakundeekin harreman txarrak izan zituen eta, horregatik, 1992an bere obra guztiak Nafrarroako herriaren esku utzi zituen. Ordurako bere etxea museo bihurtzeko asmoa bazuen. Museoaz gainera Fundazio bat sortuko zuen, bere ondare guztiak gorde, sailkatu eta euskararen ikerketarako zentro bat sortzeko.

Irudiak

• 
  Apostoluak Arantzazuko santutegiko fatxada nagusian, Oñati
• 
  Eraikuntza Hutsa altzairuzko eskultura, Donostia
• 
  Aita Donostiari omenaldia eskultura Agiña mendian (Lesaka eta Oiartzun artean).
• 
  Oteiza Museoa, Altzuzan (Eguesibar), Saenz de Oiza arkitektok eraikia]]

Kanpo-loturak

• Jorge Oteiza Wikipedian

Wikimedia Commonsen badira fitxategi gehiago, gai hau dutenak: Jorge Oteiza