Galiziar

Galiziarrak edo galegoak Galiziako herritarrak dira.

Demografia

2009an Galiziako biztanleak 2.796.089 ziren.

Honela banatzen ziren probintziaka: A Coruñan 1.145.488 pertsona. Lugon 355.195. Ourensen 335.642. Eta Pontevedran 959.764.

Hiri populatuenak hauek dira: Vigo, A Coruña, Lugo, Santiago de Compostela, Pontevedra eta Ferrol, hurrenez hurren.

Hizkuntza

Bueu herriko Belusoko eliza

Galiziar gehienak elebidunak dira, eta galiziera eta gaztelania hitz egiten dituzte.

Galiziera latinetik eratorritako hizkuntza da. Portugesak eta galizierak jatorri berdina dute, nahiz eta gero bilakaera desberdina eduki duten.

Erlijioa

Galiziar gehienak kristauak dira, katolikoak (%82 baino gehiago).

Muiñeira dantzan egiten Samedeko entroido jaian, Paderne herrian

Musika

Galiziarren musika tresna tradizional ezagunenak gaita galiziarra eta panderoa dira, eta dantza tradizional ezagunenak muiñeirak, jotak edo alalak.

Jaiak

Peliqueiroak, Laza herrian

Entroido

Garizumaren aurretik ospatzen den jaia da, inauterien antzekoa. Jai horietako pertsonaia ezagun batzuk peliqueiroak dira.

Magosto

Egun horretan gaztaina erreak jaten dira eta ardo berria edaten da. Sardina eta txerriki erreak ere jaten dira. Udazkenean ospatzen da, gaztaina jasotzen den garaian.

Emigrazioa

Galiziar jatorria duten pertsona asko daude atzerrian, batez ere Amerikako estatu batzuetan (Argentinan, Txilen, Venezuelan, Brasilen, Uruguain eta Kuban). Centros Galegos elkartean sortu dituzte herrialde horietan.

Galiziar ospetsuak

Rosalia de Castro (1837-1885), idazlea
Castelao (1886-1950), idazlea eta politikaria

Rosalia de Catro
Castelao