Toskanako Dukerri Handia

Toskanako Dukerri Handia[1] Italiako erdialde inguruko entitate juridiko bat izan zen 1569 eta 1859 bitartean. Toskanako Dukerri Handia 1532tik Florentziako Errepublika ordezkatu zuen Florentziako Dukerria izan zenaren toki berean zegoen. Dukerri hura, Medici familiak zuzendua hasieratik, bata bestearen atzean hedapen ugari izan zituen. 1559an Sienako Errepublika erantsi zuen, eta 1568an Luccako Dukerria. Hiriburua Florentzia zuen.

Toskanako Dukerri Handia
Granducato di Toscana
1569 - 1801 – 1815 - 1859
Monarkia
Toskanako Dukerri Handiko bandera

Toskanako Dukerri Handiko armarria

Toskanako Dukerri Handia 1700. urtean
Geografia
HiriburuaFlorentzia
Kultura
ErlijioaKristautasuna
Historia
Sorrera1569eko abuztuaren 27a
Medicitarren agintearen bukaera1737ko uztailaren 9a
Desagertua1801eko martxoaren 21a
Berrezarria1815eko ekainaren 9a
Italia osatzeko batua1859ko abenduaren 8a
Aurrekoak
Florentziako Dukerria
Frantziako Lehen Inperioa
Luccako Dukerria
Ondorengoak
Italia Erdialdeko Probintzia Batuak
Etruriako Erresuma
Fernando I.a. Toskanako Duke Handia.

Medicitarren agintaldia aldatu

1569tik Medici familia ospetsuak gobernatu zuen Dukerri Handia, hala, desagertutako Florentziako Dukerria gobernatu zuen familia saga jarraituz. Familia horrek gobernatu zuen, Gian Giastone de Medici, duke leinuko azken ordezkaria izan zena, 1737an seme-alabarik izan gabe hil zen arte.

Habsburgo-Lorenatarren agintaldia aldatu

1730eko hamarkadaren hasieratik, zenbait europar gortek mugimendu diplomatikoak egin zituzten Toskanako Dukerri Handiko gobernua lortzeko. Inongo zalantzarik gabe, aukera handiena Karlos III.a Espainiakoa infanteak zuen (aurrerago Espainiako errege izan zen), Filipe V.a Espainiakoa erregearen eta Isabel Farnesio printzesaren semea zenak. Karlosek oinordekotza eskubide batzuk jaso zituen oinordekotzan Florentziako tronuari buruz bere amaren familiaren aldetik, hots, Farnese familiatik, dukerri handiko familiaren senide baitzen.

1733an, Poloniako Ondorengotza Gerraren testuinguruan, espainiar eta austriar diplomaziek Turingo Itun sekretua egin zuten. Haren bidez, Espainiak (artean boteretsua zen) Karlos VI.a Germaniako Erromatar Inperio Santukoaren alaba Maria Teresa I.a Austriakoa artxidukesa onartu zuen: enperadoreak Bi Sizilietako Erresuma Karlos Borboikoa infanteari eman behar zion, Parmako Dukerria eta Toskanako Dukerri Handiko tronuaren gaineko eskubideei uko egitearen truke. Itun hura onartuta, Espainiak bertan behera utzi zuen Austriako Ondorengotza Gerrari zegokion lehia oro.

Erreferentziak aldatu

Kanpo estekak aldatu