Taylor Schilling
Taylor Schilling (Boston, Massachusetts, AEB, 1984ko uztailaren 27a) estatubatuar aktorea da, ezaguna da Orange Is the New Black telesailean Piper Chapman presoa antzezteagatik, zeinagatik 2013an komedia eta musikalen arloko Satelite Saria jaso zuen aktore onenaren izenpean. Horretaz gain, bi alditan izendatua izan zen Urrezko Globo Sarira. Bestalde, ezaguna egin da ere The Lucky One pelikula erromantikoan Zac Efronekin batera egiten duen paperarengatik.
| Taylor Schilling | |
|---|---|
 (2014) | |
| Bizitza | |
| Jaiotza | Boston, 1984ko uztailaren 27a (40 urte) |
| Herrialdea |  Ameriketako Estatu Batuak |
| Lehen hizkuntza | ingelesa |
| Familia | |
| Aita | Robert J. Schilling |
| Ama | Tish Schilling |
| Hezkuntza | |
| Heziketa | Fordham Unibertsitatea New Yorkeko Unibertsitateko Tisch Arte-Eskola Wayland High School (en)  |
| Hizkuntzak | ingelesa |
| Jarduerak | |
| Jarduerak | aktorea, zinema aktorea eta telebista-aktorea |
| Pisua | 60 kilogramo |
| Altuera | 179 zentimetro |
          | |
Lehen urteak
aldatuSchilling Bostonen jaio zen, Patricia Millerren, Massachusettseko Institutu Teknologikoko administratiboaren eta Robert J. Schillingen, Bristoleko konderriko fiskal ohiaren alaba izanik. Neba gazteago bat dauka Sam deiturikoa. West Roxbury eta Waylanden hazi zen, bere denbora hauetan tarteka pasatzen zuelarik, bere nerabezaroan jazoriko gurasoen dibortzioa zela medio. Bere nerabezaroan zehar NBCeko ER telesailaren jarraitzaile sutsua izan eta bere institutuko antzerki programan sartu zen Fiddler on the Roofen antzerki produkzioan agertu zelarik.
2002an Waylandeko institutuan graduatu ondoren, Fordhameko Unibertsitateko Lincoln Center campusean sartu zen, non produkzio ezberdinetan parte hartzen jarraitu zuen arteko lizentziatura 2006an lortu zuen arte. Honen ondoren, New Yorkeko Unibertsitatean gradu ondoko ikastaro bat egiten hasi zen bere antzezte ikasketekin jarraitzeko, baina bigarren urtearen ondoren, hau alde batera uztea erabaki zuen, hala, audizioak egiten hasteko. Pelikuletako paperen bila zebilelarik ume zaintzaile gisa lan egin zuen. Gaur egun, Manhattanen bizi da.
Filmografia
aldatu| Urtea | Filma | Pertsonaia | Oharra(k) |
|---|---|---|---|
| 2007 | Dark Matter | Jackie | |
| 2011 | Atlas Shrugged: Part I | Dagny Taggart | |
| 2012 | The Lucky One | Beth Green | |
| 2012 | Argo | Christine Mendez | |
| 2013 | Stay | Abbey | |
| 2015 | The Overnight | Emily |
Datuak: Q269843
Multimedia: Taylor Schilling / Q269843
