Sesencoren hilarria

Antestius Sesencori jarritako heriotza estela

Sesencoren hilarria edo epitafioa Antzinako euskara edo eusko-akitanierazko pertsona-izena duen I.edo II. mendeko hilarria da. Hildakoaren izena, Sesenco, gaur egungo "zezen" euskal izenarekin identifikatu zenean aurkitu zuten antzinako euskararen aztarnak zeudela Soriako Tierras Altaseko eskualdean.

Sesencoren hilarria
“Antestius Sesenco” zenaren hilarria, erromatarren garaikoa.jpg
Jatorria
Sorrera-urtea I. mendea
Aurkikuntza lekua La Laguna (Soria)
Ezaugarriak
Materiala(k) kareharria
Zabalera 33 zentimetro
Altuera 64 zentimetro
Hizkuntza latina eta akitaniera
Deskribapena
Kokapena
Lekua Santa Cruz de Yanguas
Estatu burujabe Espainia
Autonomia Gaztela eta Leon
ProbintziaSoriako probintzia

HilarriaAldatu

Villar del Río udalerriko La Laguna herrian aurkitu zuten I. mende amaierako edo II. mendekoa izan daitekeen estela.

Bi eremu ditu, erdian idazkuna dauka eta behealdean zezen baten marrazkia. beheko partean materiala galdu zenez zezenaren profilaren goialdea geratu da bakarrik.

Ingurune bereko hilarrietan, gizonen epitafioetan oso ohikoa da zezenaren irudia agertzea, eta hildakoaren eroi moduan irudikatzeko erabili zela uste du bere aurkitzaileak.[1]

Idazkun hau 90. hamarkada amaieran aurkitu zuen Eduardo Alfaro Peña arkeologoak berregiten ari ziren etxe bateko horman[2], baina aurkikuntza hau ez zen kausalitatez gertatu, aipatutako arkeologoak urtetan egin dituen ikerketa lanen emaitza baizik. Etxe honetatik ez oso urrun erromatar garaiko vicus-a dago, ea hegoaldera, La Lagunako El Castillo oppidum-a, hiri zeltiberiarra eta Cidacos ibaiko goialdeko eskualdeko hiriburua erromatar errepublika garaian.[3]

Idazkunaren irakurketa epigrafikoaAldatu

 
Antestius Sencoren estelaren kalkoaren marrazkia

TranskripzioaAldatu

ANTESTIUS

SESENCO

PATERNIF

AN XX HSE

Testu barruko loturak edo hizki elkartuakAldatu

Lehenengo lerroan ANT, hirugarrenean AT, eta laugarrenean AN.

Testuaren irakurketa laburdurak osatuzAldatu

Antestius/ Sesenco / Paterni · f(ilius) / an(norum) XX h(ic) s(itus) e(st)

ItzulpenaAldatu

Hemen datza 20 urte zituen Antestius Sesenco, Paternoren semea

ErreferentziakAldatu

  1. Alfaro Eduardo eta Belinchón, Gelu: Costumbres romanas para la muerte en Tierras Altas de Soria. (Erakusketako liburuxka)
  2. (Gaztelaniaz) «ANTESTIVS SESENCO. Un joven serrano con nombre vascón» Idoubeda Oros 2012-10-24 Noiz kontsultatua: 2020-07-29.
  3. Gómez-Pantoja, J. eta Alfaro peña, E., 2001, “Indigenismo y Romanización en las Tierras Altas de Soria. Nuevos testimonios epigráficos”, Religión, Lengua y Cultura Prerromanas de Hispania, 169-187. or.

Ikus, gaineraAldatu

Kanpo estekakAldatu