Sebastiana Gesalaga
Sebastiana Gesalaga Pagola[1] (Zarautz, 1924 – Oñati, 2018ko irailaren 2a[2]) gipuzkoar moja klaratar eta bertso-jartzailea izan zen, Maria del Niño Dios erlijio-izena zuena[3] eta Sor Niño Dios bezala ere ezaguna[4][5][6].
| Sebastiana Gesalaga | |
|---|---|
| Bizitza | |
| Jaiotza | Zarautz, 1924 |
| Herrialdea |  Gipuzkoa, Euskal Herria |
| Heriotza | Oñati, 2018ko irailaren 2a (93/94 urte) |
| Familia | |
| Aita | Juan Bautista Gesalaga |
| Hezkuntza | |
| Hizkuntzak | euskara |
| Jarduerak | |
| Jarduerak | moja eta bertsolaria |
| Izengoitia(k) | Sor Niño Dios |
| Sinesmenak eta ideologia | |
| Erlijioa | katolizismoa |
| Erlijio-ordena | Klaratar |
Bizitza aldatu
Juan Bautista Gesalaga bertsolari eta Antonia Pagolaren alaba, Zarautzen jaio zen 1924an[1]. Aitari esker hasi zen bertsotan[4][7]. Hamazazpi urte zituela, neba hil zitzaionean, moja izateko bokazioa sentitu zuen[5].
Hogei urterekin Zarauzko Santa Klara komentuan sartu zen Maria ahizpa nagusiarekin[5]. 1945ean abituak jantzi zituzten. Sebastianari Maria del Niño Dios izena jarri zioten eta Mariari Maria Corazón de Jesús[3][8]. 1952an, beste ahizpa bat, Gloria, ere komentuan sartu zen[1].
Bertsotan hobetzeko asmoz, komunitate bereko moja zen Justina Aldalurrengana jo zuen[4]. Komentuan osatzen zituen bertsoak aitari bidaltzen hasi zen[5]. Senideez gain, komentuko komunitateari zuzendu dizkie bere lanak eta zabalkunderako ez zuen ezer idatzi[6].
Bere bertso gehienak jaiegunei et ospakizunei eskainiak dira: Eguberriari, Pazkoari, Kristo Errege egunari, Santa Klara egunari, senideen urtebetetzeei eta abar[5].
2018ko irailaren 2an hil zen Bidaurretako Santa Klara monasterioan, 94 urte zituela[2].
2021ean, Ane Labaka Maioz bertsolariak eta Mari Arbeo Astigarraga ilustratzaileak Sebastiana Gesalaga Euskal Herriko emakume esanguratsuen zerrendan sartu zuten[9].
Bertso ezagunenak aldatu
- Profesioko bertsuak (1956)[8]
- Aurten ditula egun urteak gure aita-zanak betetzen. Bertsolari, 17 (1995)
- Santa Klara zortzireungo jaio zaneko urtea. Bertsolari, 17 (1995)[6]
Erreferentziak aldatu
- ↑ a b c Zavala, Antonio. (1967). «Zarautz'ko Zaldubi bertsolaria» Zarautz'ko Zaldubi bertsolaria. Auspoa Liburutegia, 12-16 or. (Noiz kontsultatua: 2023-12-15).
- ↑ a b «† Sor Sebastiana Guesalaga Pagola (Klarisa Lekaimea)» El Diario Vasco 2018-09-03 (Noiz kontsultatua: 2023-12-18).
- ↑ a b Gesalaga, Joan Bautista. (2018). «Bertso berriak (Gesalagatar aizpen abitu-artzea) (1945)» in Agirrebaltzategi, Paulo. Arantzazuko artxiboko bertsopaperak. Oñati, 274-278 or. ISBN 978-84-7240-308-6. (Noiz kontsultatua: 2023-12-15).
- ↑ a b c Baraiazarra Txertudi, Luis. (2021). «Klaustro teresiarreko lirika eta koplagintza» Karmel 3: 3-13. ISSN 1132-2357. (Noiz kontsultatua: 2023-12-15).
- ↑ a b c d e Larrañaga, Karmen. (1995). «Sebastiana Gesalaga: Sor Niño Dios. "Zaldubi" aitaren pausoak bertsotan» Bertsolari 17: 32-33. (Noiz kontsultatua: 2023-12-15).
- ↑ a b c «Sebastiana Gesalaga "Sor Niño Dios"» BDB Bertsolaritzaren datu-basea (Noiz kontsultatua: 2023-12-15).
- ↑ (Gaztelaniaz) Larrañaga Odriozola, Carmen. (1997). «Del bertsolarismo silenciado» Jentilbaratz 6: 57-73. (Noiz kontsultatua: 2023-12-15).
- ↑ a b Gesalaga, Sebastiana. (2018). «Profesiako bertsuak (1956)» in Agirrebaltzategi, Paulo. Arantzazuko artxiboko bertsopaperak. Oñati, 367-369 or. ISBN 978-84-7240-308-6. (Noiz kontsultatua: 2023-12-15).
- ↑ Labaka Maioz, Ane; Arbeo Astigarraga, Mari. «Kale izendegia» Berria Ikasgela 2021-03-28 (Noiz kontsultatua: 2023-12-18).
Kanpo estekak aldatu
Datuak: Q123848654
