Roger Milla

Roger Milla
	; Irudi gehiago
Bizitza
Jaiotzako izen-deiturak	Albert Roger Miller
Jaiotza	Jaunde, 1952ko maiatzaren 20a (71 urte)
Herrialdea	Kamerun ; Frantzia
Hezkuntza
Hizkuntzak	frantsesa
Jarduerak
Jarduerak	futbolaria
Ibilbidea
	Parte-hartzailea 1994ko Munduko Futbol Txapelketa ; 1990eko Munduko Futbol Txapelketa ; 1982ko Munduko Futbol Txapelketa ; 1984ko Udako Olinpiar Jokoak ; 1982 African Cup of Nations (en) ; 1984 African Cup of Nations (en) ; 1986 African Cup of Nations (en) ; 1988 African Cup of Nations (en) ;
Posizio edo espezialitatea	aurrelaria
Pisua	70 kilogramo
Altuera	176 zentimetro
Jasotako sariak	ikusi Ohorezko Legioko zalduna (2006ko apirilaren 14a) ;

Roger Milla, Albert Roger Mooh Miller jaioa, (Jaunde, 1952ko maiatzaren 20a), Kamerungo futbolari ohia da, aurrelari moduan jokatzen zuena. Nazionalitate frantsesa ere badu. Batez ere Frantzian egindako karrera emankorrari esker belaunaldi oso bat markatu zuen. "Lehoi zaharra" goitizena ipini zioten..

Biografia^[1]^[2] aldatu

Millak 11 urte zituenean familia Jaundetik Dualara joan zen bizitzera aitaren lana medio.

Hamahiru urte zituela, lehen futbolari-lizentzia sinatu zuen Dualako Tximistekin (L'Éclair). Bere teknikak eta golerako senak harridura eragin zuren. 18 urterekin Dualako Leopardoekin (Léopards Douala) fitxatu zuen eta Kamerungo bi txapelketa lortu zituen. 1976an, Jaundeko Trumoira (Tonnerre Yaoundé) joan zen jokatzera eta abizena Milla bihurtu zuen hots afrikarra zuelako. Urte horretan bere lehen Afrikako Urrezko Baloia irabazi zuen. Bigarrena 1990an lortu zuen. Orduantxe hasi zen Kamenrungo selekzioarekin jokatzen.

1979an Frantziara abiatu zen futbolari-karrera jarraitzea. Lehenik Valenciennes FC taldean aritu zen^[3] eta 1979an Monakorekin fitxatu zuen.1980an Kortsikara joan zen, SC Bastiara non 4 urte egingo dituen. 1984an kontinentera itzuli zen Saint-Etiennera eta, ondoren Montpellierrera (1896). Bertan erretiroa hartu zuen 1989an.

Dena dela, 1989an Reunion uharteko Saint-Pierroise taldeko eskaintza onartu zuen irlako Ohorezko Maila Erregionalean jokatzeko eta bertan Reuniongo Txapelketa irabazi zuen^[4].

Egun, UNICEFen enbaxadorea da bere jaioterrian.

Kamerungo selekzioa aldatu

1978an debutatu zuen Kamerungo selekzioarekin eta 104 partida jokatu zituen guztira. Bi aldiz irabazi zuen Afrikako Nazioen Kopa: 1984an eta 1988an.

1982an Espainiako Munduko Txapelketan parte hartu zuen bere selekzioarekin eta 1984an Los Angelesko Joko Olinpikoetan.

1987an selekzioa uztea erabaki zuen. Alabaina, 1990an Italiako Munduko Txapelketan parte hartzeko konbentzitu zuen Paul Biyak, Kamerungo presidenteak. Ordurako erretiroa hartuta zegoen. Mundial horretan Milla izarretako bat izan zen. Bigarren zatiak baino ez zituen jokatu, baina 4 gol sartzeaz gain selekzioaren lidergoa hartu zuen. Kamerun final laurdenetara ailegatu zen, Afrikako selekzio batek inoiz lortutako sailkapenik onena. Milla txapelketako All-Star taldean sartu zuen FIFAk^[5].

1994an, jada 42 urte zituelarik Estatu Batuetako Munduko Txapelketa jokatu zuen. Gol bat sartu zuen, munduko txapelketa batean golik egin duen jokalari zaharren bihurtuz^[6].

Palmaresa aldatu

Klubetan aldatu

Dualako Leopardoak. Kamerungo txapelketa 1972an eta 1973an
Dualako Trumoia. 1975ean Kopa Irabazleen Afrikako Kopa.
Montpellier. 2. Mailako Frantziakotxapelketa 1987an
Monako. Frantziako kopa 1980an
Bastia. Frantziako kopa 1981an
JS Saint-Pierroise. Reuningo txapelketa 1989an

Selekzioarekin aldatu

102 partida eta 28 gol
Afrikako Nazioen kopa 1984ean eta 1988an
3 Munduko Txapelketa. 1982an,1990ean eta 1994an. 5 gol guztira.

Sariak aldatu

Afrikako Urrezko Baloia 1976an eta 1990an
Goleatzailerik onena 1986ko eta 1988ko Afrikako Nazioen Kopan
FIFA 100 zerrendako kide.
Kamerungo mendeko jokalaririk onena IFFHSren aburuz
Afrikako mendeko bigarren jokalaririk onena IFFHSren aburuz.
Afrikako mendeko jokalaririk onena L'Équipen arabera.
Afrikako Futbol Konfederazioak atzen 50 urteetako Afrikako jokalaririk onena izendatu zuen 2007an^[7].
Ohorezko Legioa jaso zuen 2006an^[8].

Taldeak^[9]^[10] aldatu

Denboraldia	Taldea	Partidak	Golak
1968-69	Dualako Tximistak	25	20
1969-70	Dualako Tximistak	27	25
1970-71	Dualako Leopardoak	29	25
1971-72	Dualako Tximistak	30	20
1972-73	Dualako Tximistak	28	19
1973-74	Dualako Tximistak	30	25
1974-75	Jaundeko Trumoia	29	23
1975-76	Jaundeko Trumoia	28	26
1976-77	Jaundeko Trumoia	30	20
1977-78	Valenciennes FC	0	0
1978-79	Valenciennes FC	27	6
1979-80	AS Monako	16	2
1980-81	SC Bastia	30	9
1981-82	SC Bastia	23	8
1982-83	SC Bastia	29	13
1983-84	SC Bastia	31	5
1984-85	AS Saint-Étienne	31	22
1985-86	AS Saint-Étienne	28	9
1986-87	Montpellier HSC	33	18
1987-88	Montpellier HSC	33	12
1988-89	Montpellier HSC	29	7
1989-90	JS Saint-Pierroise	19	5
1990-91	Jaundeko Trumoia	29	22
1991-92	Jaundeko Trumoia	30	19
1992-93	Jaundeko Trumoia	27	23
1993-94	Jaundeko Trumoia	30	25
1993-94	Pelita Jaya	23	23
1994-95	Pelita Jaya	12	18

Erreferentziak aldatu

↑ Hawkey, Ian.. (2009). Feet of the chameleon : the story of African football. Portico ISBN 978-1-906032-71-5. PMC 429604764. (Noiz kontsultatua: 2021-01-01).
↑ Schwob, Olivier.. (impr. 2006). Roger Milla : sur les traces d'un lion. Mango sport ISBN 2-84270-559-9. PMC 469468269. (Noiz kontsultatua: 2021-01-01).
↑ (Frantsesez) «Football: 1977-1979, le passage rocambolesque de Roger Milla à Valenciennes» LA VDN 2020-04-08 (Noiz kontsultatua: 2021-01-01).
↑ (Ingelesez) FIFA.com. «Who We Are - News - Milla: Respect is essential - FIFA.com» www.fifa.com (Noiz kontsultatua: 2021-01-01).^{[Betiko hautsitako esteka]}
↑ «FIFA World Cup All-Star Team - Football world Cup All Star Team» football.sporting99.com (Noiz kontsultatua: 2021-01-01).
↑ Irigoien, Joan Mari. (1994-07-14). Sei. Euskaldunon Egunkaria, 24 or..
↑ (Ingelesez) Milla is Caf's best from 50 years. 2007-01-15 (Noiz kontsultatua: 2021-01-01).
↑ «Décret du 14 avril 2006 portant promotion et nomination - Légifrance» www.legifrance.gouv.fr (Noiz kontsultatua: 2021-01-02).
↑ «Roger Milla» footballdatabase.eu (Noiz kontsultatua: 2021-01-01).
↑ (Ingelesez) Strack-Zimmermann, Benjamin. «Roger Milla» www.national-football-teams.com (Noiz kontsultatua: 2021-01-01).

Kanpo estekak aldatu

Datuak: Q168540
Multimedia: Roger Milla / Q168540

[1] Hawkey, Ian.. (2009). Feet of the chameleon : the story of African football. Portico ISBN 978-1-906032-71-5. PMC 429604764. (Noiz kontsultatua: 2021-01-01).

[2] Schwob, Olivier.. (impr. 2006). Roger Milla : sur les traces d'un lion. Mango sport ISBN 2-84270-559-9. PMC 469468269. (Noiz kontsultatua: 2021-01-01).

[3] (Frantsesez) «Football: 1977-1979, le passage rocambolesque de Roger Milla à Valenciennes» LA VDN 2020-04-08 (Noiz kontsultatua: 2021-01-01).

[4] (Ingelesez) FIFA.com. «Who We Are - News - Milla: Respect is essential - FIFA.com» www.fifa.com (Noiz kontsultatua: 2021-01-01).^{[Betiko hautsitako esteka]}

[5] «FIFA World Cup All-Star Team - Football world Cup All Star Team» football.sporting99.com (Noiz kontsultatua: 2021-01-01).

[6] Irigoien, Joan Mari. (1994-07-14). Sei. Euskaldunon Egunkaria, 24 or..

[7] (Ingelesez) Milla is Caf's best from 50 years. 2007-01-15 (Noiz kontsultatua: 2021-01-01).

[8] «Décret du 14 avril 2006 portant promotion et nomination - Légifrance» www.legifrance.gouv.fr (Noiz kontsultatua: 2021-01-02).

[9] «Roger Milla» footballdatabase.eu (Noiz kontsultatua: 2021-01-01).

[10] (Ingelesez) Strack-Zimmermann, Benjamin. «Roger Milla» www.national-football-teams.com (Noiz kontsultatua: 2021-01-01).

[1]

[2]

[3]

[4]

[5]

[6]

[7]

[8]

[9]

[10]