Rock and Roll All Nite

"Rock and Roll All Nite"Kissen abestia da, beraien 1975eko Dressed to Kill albumean argitaratua. Albumeko bostgarren singlearen A-aldea bezala kaleratu zuten, albumeko "Getaway" abestiarekin batera.

Rock and Roll All Nite
Kissen singlea
Egilea(k)	Kiss
Argitaratze-data	1975
Jatorrizko herrialdea	Ameriketako Estatu Batuak
Ezaugarriak
Genero artistikoa	rock-and-rolla eta hard rock
Diskoetxea	Casablanca Records
Deskribapena
Honen parte da	Dressed to Kill
Ekoizpena
Ekoizlea	Neil Bogart
Hitzak	Paul Stanley eta Gene Simmons
Hitzak	MetroLyrics
Bideoa	YouTube eta YouTube
Kissen kronologia
←Let Me Go, Rock 'n' Roll, C'mon and Love Me eta I Won't Forget You (en) Rock and Roll All Nite →C'mon and Love Me, Shout It Out Loud, Nothin' but a Good Time (en) eta Jungle (en)

"Rock and Roll All Nite"
Kiss(r)en singlea
Dressed to Kill albumetik
Argitalpena	1975eko apirilaren 2a (AEB)
Formatua	7"
Grabazioa	Electric Lady Studios, New York City: 1975eko otsaila
Musika mota	Hard rock, rock and roll
Iraupena	Zuzenean 3:20 (7") Estudiokoa 2:34
Diskoetxea	Casablanca NB-829 (AEB)
Idazlea	Paul Stanley, Gene Simmons
Ekoizlea	Neil Bogart & Kiss
Kiss (r)en single kronologia
"Let Me Go, Rock 'n' Roll" / "Hotter Than Hell" (1974) "Rock and Roll All Nite" / "Getaway" (1975) "C'mon and Love Me" / "Getaway" (1975) "C'mon and Love Me" / "Getaway" (1975) "Rock and Roll All Nite (Zuzenean)" / "Rock and Roll All Nite" (1975) "Shout It Out Loud" / "Sweet Pain" (1976) "I Love It Loud (Zuzenean)" / "Unholy (Live)" (1993) "Rock and Roll All Nite (Unplugged)" / "Everytime I Look at You (Unplugged)" (1996) "Jungle (Irrati edizioa)" / "Jungle" (1997)

Estudioko bertsioak 57. postua lortu zuen Billboard single zerrendan, aurretik postu garaiena lortu zuen singlea hobetuz, "Kissin' Time" (79. postua). Ondorengo zuzeneko bertsioa, 1975eko urrian kaleratua, 12. postua lortu zuen, taldeak 70. hamarkaldian lortuko zituen Top 20 abestietako lehena izan zelarik. Hortik aurrera, Kissen abesti garrantzitsuenetarikoa bihurtu da, eta kontzertuak bukatzeko abesti bezela erabili izan dute ia kontzertu guztietan 1976 urtetik hona. 2008an VH1 kateak historiako hard rock 16. abesti onena izendatu zuen.

Kisseko taldekideek presio handia zeukaten beraien hirugarren albuma ateratzeko, 1975eko Dressed to Kill. Bapatean utzi zuten bira 1974ko Hotter Than Hell albumaren ondorengoan lan egiten hasteko albumak zerrendetan behera egiten hasi zuenean, nahiz eta abesti berririk ez zituzten. Saioak beraien diskoetxeko, (Casablanca), zuzendariak, Neil Bogartek ekoiztu zituen, nor kezkatuta zegoen taldeak oraindik ez zuelako lortu beraien zuzeneko emanaldietako urduritasuna album batean adieraztea, eta arazo hori norberak zuzendu gura zuen. (Taldeari etengabe eskatzen zioten material berriarekin joateko, horregatik, aurretik idatzitako abestien artean begiratu behar izan zuten, edo abesti berriak idatzi egunean zehar, besteei erakutsi, eta jarraian grabatu.)

Bogartek taldeko idazle nagusiei, singer/guitarist Paul Stanley abeslari/gitarjoleari eta Gene Simmons baxujoleari, Kiss eta bere zaleak identifikatuko zituen himno bat idaztea aholkatu zien -- Sly & the Family Stone taldearen "I Want to Take You Higher" bezala. Hotelean idazten zeudela, Stanleyri "I want to rock and roll all night, and party every day" letra bururatu zitzaion. Letra Simmonsi erakutsi ondoren, honek abesti zahar bateko, "Drive Me Wild" izenekoa, zati batzuk gehitu zizkion. Nahiz eta abestiak estribillo gogoraerraza zuen, hilabete batzuren ondoren abestia single moduan kaleratu zutenean, ez zuen arrakasta handirik izan zerrendetan.

Casablancak arazo ekonomiko larriak zituezez, Kiss Casablanca uztea eta beste diskoetxea batera joatea pentsatu zuen, baina nagusiek behin eta berriro ekiteagatik, zuzeneko albuma grabatzea erabaki zuten 1975ean, Alive!. Taldeak zuzenean transmititzen zuen energia eta urduritasuna ederki atzeman zuten Eddie Kramer rock ekoizleari esker, eta hori hoberen erakusten duen albumeko abestia "Rock & Roll All Night" izan daiteke. Bertsio hau estudiokoa baino luzeagoa zen (zuzeneko bertsioak Ace Frehleyren gitarra solo bat dauka, jatorrizkoan agertzen ez dena), baina Bogartek itxaroten zuen moduan, bapateko borroka oihua/hard rock klasikoa bihurtu zen, 12. postua lortuz eta albuma zerrendan gora egitea lortuz. 1975. urtetik, ez da egon Kissen kontzertu bakarra non ez duten "Rock & Roll All Night" abestia jo, eta taldearen abestirik identifikagarrienetarikoa bihurtu da.

Grabazioa

"Rock and Roll All Nite" Paul Stanleyk eta Gene Simmonsek idatzi zuten Kiss Los Angelesen zegoenean, beraien Hotter Than Hell biran zehar, nahiz eta 1976ko urtarrilaren 26an Detroiteko Cobo Hallean eman zuten kontzertuan, Stanleyk Detroiten eta Detroiterako idatzitako abesti moduan aurkezten duen. Bira laster bukatu zen (1975eko otsaila), Casablanca Records diskoetxearen sortzaile eta presidentea zen Neil Bogartek Kiss estudiora bueltatzera behartu zuenean Hotter Than Hell albumari jarraitzeko zerbait grabatzeko, zeinek zerrendetan behera egin zuen eta ez zituen Casablancak buruan zituen salmenta helburuak bete. Bogartek taldeari eskatu zion gauza bat himno bat konposatzea izan zen, taldeak behar zuen gauza bat zela ikustean. Abestia, berez, Slade taldearen Cum on Feel the Noize abestiak inspiratu zuen, eta askotan Rock And Rollaren himno nazional moduan ikusten dute (adibidez, Stanleyk 1996ko MTV Video Music Awards sarietan eman zuten emanaldian esaten du "nazio bakarra dago, Kiss Nazioa, eta Rock & Roll himno nazional bakarra dago: Rock and Roll All Nite, party everyday!").

Stanleyk estribilloa idatzi zuen, eta Simmonsek estrofak, aurretik idatzia zuen abesti bateko zatiak hartu zituelarik, "Drive Me Wild" izena zuena. Abestia taldeak Hotter Than Hell biraren amaieran grabatu zituen bi abestietako bat da, Electric Lady Studios estudioetara itzuli baino lehen, Dressed to Kill grabazio saioak egiteko. Koruetarako, taldeak eta Bogartek kanpoko laguntzaile mordoa ekarri zuten abestu eta txalotzeko, Kissen birako langileak, estudioko musikariak eta Peter Crissen emazte zen Lydia barne. Birako langileetako batzuek beraien jakeetako kremailerak erabili zituzten zarata sortzeko.

Zuzeneko emanaldiak

While "Rock and Roll All Nite" Kissen zuzeneko emanaldietan abesti finkoa bihurtuko zen arren, ez zuten berehala taldearen zerrendan sartu, ezta "Let Me Go, Rock 'n' Roll" bukatzeko abesti bezala ordezkatu ere.

Kissek abesti hau jo zuen Salt Lake Cityn 2002ko Neguko Olinpiar Jokoetako amaiera zeremonian, zein Ace Frehleyk gaur egunerarte Kissekin egin duen azken emanaldia izan zen. Abestia Adam Lambertekin batera zuzenean jo zuten, American Idol saioaren 8. denboraldiko finalean, 2009ko maiatzaren 20an Los Angeleseko Nokia Theater antzokian.

Beste bertsioak

Abestiaren jatorrizko bertsioa, Dressed To Kill albumean agertzen dena, ez dauka gitarra solorik, gerora grabatutako bertsio askok soloa duten bitartean. Kiss Unplugged albumeko bertsioan Ace Frehleyk eta Bruce Kulickek soloa banatzen dute. Unpluggedeko bertsioa single moduan kaleratu zuten eta 13. postua lortu zuen Billboardeko Mainstream Rock Tracks zerrendan. Bertsio originala ere desagertzen doan einean amaitzen da; zuzeneko bertsioa guztiak Dressed to Kill albumeko beste abesti bateko azkenengo notekin bukatzen dira, Getaway abestikoak. Alive! albumeko bertsioko koruak "Detroit Rock City" abestiaren hasieran agertzen dira, 1976ko Destroyer albumean.

Agerpenak

"Rock and Roll All Nite" hurrengo Kiss albumetan agertu izan da:

• Dressed to Kill – Jatorrizko estudioko bertsioa
• Alive! – Zuzeneko bertsioa
• Double Platinum – Estudioko bertsioa
• Killers – Zuzeneko bertsioa
• Smashes, Thrashes & Hits – Estudioko bertsioaren remixa
• Alive III – Zuzeneko bertsioa
• Kiss Unplugged – Zuzeneko bertsio akustikoa
• You Wanted the Best, You Got the Best!! – Zuzeneko bertsioa
• Greatest Kiss – Estudioko bertsioa
• The Box Set – Estudioko bertsioa & zuzeneko bertsioa
• The Very Best of Kiss – Zuzeneko bertsioa
• Kiss Symphony: Alive IV – Zuzeneko bertsioa Melbourne Symphony Orchestrarekin batera
• The Best of Kiss: The Millennium Collection – Zuzeneko bertsioa
• Gold – Zuzeneko bertsioa
• Kiss Chronicles – Jatorrizko estudioko bertsioa (Dressed To Kill berargitalpenaren barruan)
• Alive II (Kiss Alive! 1975-2000 bildumaren barruan, Alive!, Alive II, Alive III, eta Alive! The Millennium Concert berargitalpenak) – Single Edizioaren Bertsioa
• Kiss Alive 35 – Birako kontzertu bakoitzean zuzenean grabatutako bertsioa
• Kiss Klassics – Bergrabatutako bertsioa Sonic Boom albumarekin batera zetorren bonus CD batean

Langileak

• Gene Simmons – ahotsak/baxua
• Ace Frehley – gitarra nagusia/koruak
• Paul Stanley – gitarra erritmikoa/koruak
• Peter Criss – bateria/koruak

Bertsioak

"Rock and Roll All Nite" hainbat taldek bertsionatu dute, hala nola:

• Toad The Wet Sprocket Kiss My Ass tributu albumean.
• Poison taldea Less Than Zero soinu-bandan (ikusi beherago Poisonen bertsioaren buruzko informazioa gehiago).
• L.A. Guns Covered in Guns bertsioen bilduman.
• The Summer Set Punk Goes Classic Rock albumean.

Beste euskarriak

"Rock and Roll All Nite" Guitar Hero III: Legends of Rock (bertsioa), Guitar Hero: On Tour, Guitar Hero: Smash Hits, Karaoke Revolution Volume 2, Stick Dudes Gone Wild: Rock Band, Tony Hawk's Underground (Alive IV albumeko bertsioa), Madden NFL 11 and as downloadable content for Rock Band 3 (deskargatu daitekeen eduki gisa) bideo-jokoetan erabili izan dute.

Abestia Joe Louis Arena estadioko Red Wingsen zaleen abesti gogotsuenetako bat da. 2009ko Stanley Cup Finalseko gertaera batean, zaleek leloa abesten jarraitu zuten nahiz eta diskoa bukatu zen, NHLren araudian musika eten beharra dagoela esaten badu ere. Mike Emrickek NBC katearen zuzeneko saioan esan zuenez, "Ligaren araudian, musika amaitu beharra dagoela esaten du jokoa martxan jartzen denean, baina horrek ez du zaleek abesten jarraitzea galarazten!".

Abestia Detroit Rock City filmaren hasieran entzuten da Mystery Kissen tributu taldeak abestua. Telebistako hainbat saiotan ere agertu da, hala nola The Simpsons eta Family Guy.

Poisonen bertsioa

"Rock and Roll All Nite"
Poison(r)en singlea
Less Than Zero albumetik
Argitalpena	1987ko urriaren 2a
Grabazioa	1987
Musika mota	Glam metal, heavy metal
Diskoetxea	Enigma/Capitol Records
Idazlea	Stanley/Simmons
Ekoizlea	Ric Browde
Poison (r)en single kronologia
"I Won't Forget You" (1987) "Rock and Roll All Nite" (1987) "Nothin' but a Good Time" (1988)

"Rock and Roll All Nite" Poison rock talde estatubatuarrak bertsionatu eta single moduan kaleratu zuen Less Than Zero soinu-banda albumetik (1987an argitaratua). It was released on a Poisonen The Best of Poison: 20 Years of Rock albumean berriro kaleratu zuten 2006an, eta 2007an berriro Poison'd bertsio albumean.

"Nothin' But a Good Time" musika bideoaren hasieran, Poisonek "Rock and Roll All Nite" abesten du.

Langileak

• Bret Michaels – ahotsak; gitarra erritmikoa
• Bobby Dall – baxua
• Rikki Rockett – bateria; perkusioa
• C.C. DeVille – gitarra nagusia

Kanpo estekak

• Datuak: Q2480796