Reiner Kunze

Reiner Kunze (Oelsnitz, Erzgebirge, Alemania, 1933ko abuztuaren 16a) alemanezko idazlea eta itzultzailea da.

Reiner Kunze
Irudi gehiago
Bizitza
Jaiotza	Oelsnitz, Erzgebirge (en) , 1933ko abuztuaren 16a (90 urte)
Herrialdea	Alemania Alemaniako Errepublika Demokratikoa
Hezkuntza
Heziketa	Leipzigeko Unibertsitatea
Hizkuntzak	alemana
Jarduerak
Jarduerak	hizkuntzalaria, idazlea, poeta, itzultzailea, film-zuzendaria eta gidoilaria
Lantokia(k)	Leipzig
Jasotako sariak	ikusi Bavarian Order of Merit  (1988) Georg Büchner saria  (1977) Scholl Anaien saria  (1981) Commander's Cross of the Order of Merit of the Federal Republic of Germany  (1993) Order of Merit of the Free State of Thuringia  (2008) Hanns Martin Schleyer Prize  (1990) America Award in Literature Bavarian Maximilian Order for Science and Art  (2001) Andreas Gryphius Prize  (1977) Literature Award of the Bavarian Academy of the Fine Arts  (1973) Weilheim Literature Prize  (1997) Robert Schuman Domina  (2013) South Moravian Region Award  (2013) Thüringer Literaturpreis  (2009) Friedrich-Hölderlin-Preis  (1999) Bavarian Film Awards  (1979) Franz Josef Strauss Award  (2015) Kulturpreis der deutschen Freimaurer  (1993) Lessing Ring  (1993) Nikolaus Lenau Award  (2022) Memminger Freedom Prize 1525  (2009)
Kidetza	Saxon academy of arts (en) Alemaniako hizkuntza eta literatura akademia Bavariako Arte Ederren Akademka
Genero artistikoa	olerkigintza Prosa
Sinesmenak eta ideologia
Alderdi politikoa	Alemaniako Alderdi Sozialista Batua
reiner-kunze.com

Bizitza

Meatzari baten semea, hamasei urterekin Alemaniako Batasun Sozialistako (alemanez, Sozialistische Einheitspartei Deutschlands) kide egin zen. 1951-1955 urte-bitartean Kazetaritza, Filosofia, Literatura, Musika eta Artearen Historiako ikasketak egin zituen. Ikasketak bukatuta, unibertsitatean eskolak eman zituen, eta garai hartan zalantzan jartzen hasi zen estatu sozialista. Salaketak jartzeko eta iraultzaren aurkako ekintzetan parte hartzeko deia egin zuen, eta horrek guztiak krisi fisiko-psikiko sakona eragin zion. Gauzak horrela, makinaria astuneko industria baten urtzaile laguntzaile hasi zen.

1961-1962 urteetan sarritan bidaiatu zuen Txekoslovakiara, eta han ezagutu zuen Kunzeren bigarren emazte izango zen Elisabeth Littnerova txekiar sendagilea, txekiar poesiaren alemanerako itzultzaile bikainenetako bat bihurtuko zena. Varsoviako Ituneko gudarosteak Txekoslovakian sartu zirenean, alderdia utzi zuen. Horren ondorioz, haren izena zikintzen saiatu ziren, eta estatuaren etsai deklaratu zuten. Handik aurrera haren testuak Alemaniako Errepublika Federalean baizik ez ziren argitaratu: Sensible Wege (1969, Bide sentiberak); Der Löwe Leopold (1970, Leopoldo lehoia). Denboraldi luzean debekatuta egon ondoren, berriro argitaratzeko baimena eman zioten Alemaniako Errepublika Demokratikoan. 1973an poema-bilduma bat argitaratu zuen: Brief mit dem blauen Siegel (Gutuna zigilu urdinarekin).

Baina handik hiru urtera Die wunderbaren Jahre (1973, Urte zoragarriak) argitaratu zuenean —liburua Alemaniako Errepublika Demokratikoaren (AED) kritika zorrotza da, gazteei zuzendua— AEDko Idazle Elkartetik bota zuten. Handik gutxira, AEDtik alde egin behar izan zuen.

Haren beste lan batzuk: Vögel über dem Tau (1959, Hegaztiak ihintzetan); Aber die Nachtigall jubelt (1962, Baina erresiñola pozten da).

Kanpo estekak

Wikimedia Commonsen badira fitxategi gehiago, gai hau dutenak: Reiner Kunze

• (Alemanez) Reiner Kunzeren web-orria

• Datuak: Q61199
• Multimedia: Reiner Kunze / Q61199